कोकणाला मागच्या ९ दिवसांत कोणतीही मदत मिळालेली नाही - फडणवीस

मुंबई, ११ जून : राज्याचे माजी मुख्यमंत्री आणि विरोधी पक्षनेते देवेंद्र फडणवीस सध्या कोकण दौऱ्यावर आहेत. यावेळी ते म्हणाले की, एनडीआरएफसोबतच राज्यानेही नुकसानग्रस्तांना मदत करणं गरजेचं आहे.

एनडीआरएफ प्रत्येक आपत्तीत मदत करतं. मात्र यावेळेस राज्यानेही मदत करायला हवी. केंद्र सरकारकडून नंतर मदत होईलच, पण आता राज्याने मदत करायला हवी, असं ते म्हणाले. तसेच, राज्याने केलेला खर्च केंद्र सरकारच देतं, असंही ते म्हणाले.

निसर्ग चक्रीवादळाने कोकण भागात प्रचंड मोठे नुकसान झाले आहे.
आज दिवसभर रायगड जिल्ह्यातील विविध ठिकाणांना भेटी देणार आहे.
नागाव येथून या दौऱ्याला प्रारंभ केला. नुकसान झालेल्या शेतीची पाहणी केली.#BJP4Konkan pic.twitter.com/iogsYs6NIe

— Devendra Fadnavis (@Dev_Fadnavis) June 11, 2020

नेमकं आणि सविस्तर काय म्हणाले आहेत फडणवीस?
निसर्ग चक्रीवादळामुळे कोकणची अवस्था वाईट झाली आहे. नुकसानग्रस्तांना जिथे ठेवलं गेलं आहे तिथली अवस्था खुराड्यासारखी आहे. अत्यंत वाईट अवस्थेत लोकांना ठेवण्यात आलं आहे. या सगळ्यांची राहण्याची सोय योग्य ठिकाणी केली पाहिजे. राज्य सरकारने जाहीर केलेल्या पॅकेजमध्ये अनेक त्रुटी आहेत. शेती, फळबागांचे झाले तर ते पुढच्या वर्षी भरुन निघत असते. पण इथे तर झाडंच राहिली नाहीत. पुढच्या ५ ते १० वर्षांनी त्यांचे उत्पन्न सुरु होईल. अशा स्थितीत फक्त हेक्टरी मदत जाहीर करुन भागणार नाही असंही फडणवीस यांनी स्पष्ट केलं.

News English Summary: Former Chief Minister and Leader of the Opposition Devendra Fadnavis is currently on a tour of the Konkan. He said that along with NDRF, the state also needs to help the victims.

News English Title: Kokan Has Not Get Any Help In Last Nine Days Says Devendra Fadanvis News Latest Updates.