मुंबई : जागतिक स्तरावर आज व्यंगचित्रकार दिन म्हणून साजरा केला जात आहे. व्यंगचित्रातून विरोधकांचा समाचार घेणारं परिचित राजकीय व्यक्तिमत्व असलेले राज ठाकरे यांनी आपल्या खास ठाकरे शैलीत व्यंगचित्रकार दिनाच्या शुभेच्छा दिल्या आहेत. त्यात भावना व्यक्त करताना, व्यंगचित्रकारात एखादी जुलमी राजवट उलथवून लावण्याची क्षमता असते अशी प्रतिक्रिया व्यक्त करत विद्यमान सरकारला टोला लगावला आहे.

राज यांनी ट्विटरवरून शुभेच्छा देताना म्हंटले, व्यंगचित्रकाराच्या कुंचल्यात इतकी ताकद असते की एखादी जुलमी राजवट उलथवली जाऊ शकते. आज जागतिक व्यंगचित्रकार दिन आहे. ह्या निमित्ताने देशभरातील माझ्या व्यंगचित्रकार सहकाऱ्यांना शुभेच्छा तर आहेतच पण तुमच्या प्रतिभेची देशाला आज सगळ्यात जास्त गरज आहे हे मात्र विसरू नका.

राज ठाकरेंचा व्यक्तीमत्व जरी राजकीय असले, तरी त्यांनी आपल्या व्यंगचित्रातून अनेकांवर राजकीय आसूड ओढले आहेत. पंतप्रधान नरेंद्र मोदी आणि भाजप अध्यक्ष अमित शहा यांचा राज ठाकरेंनी अनेकवेळा व्यंगचित्राच्या माध्यमातून समाचार घेतला आहे. भाजपाला त्यांची व्यंगचित्रं इतकी झोंबत होती की त्यांना सुद्धा प्रतिऊत्तर देण्यासाठी स्वतःचे व्यंगचित्रकार नेमावे लागले जे राज ठाकरे यांच्यासमोर फिके पडले होते.

व्यंगचित्रकार जुलमी राजवट उलथवून लावू शकतो : राज ठाकरे