18 May 2021 10:23 AM
अँप डाउनलोड
बातम्या फ्लॅश
लोकसभा निवडणूक २०२४ नंतर देशात सत्तांतर निश्चित? | 'मोदी पर्वाच्या' अस्ताची ही असतील कारणं - सविस्तर वृत्त Cyclone Tauktae | मुंबईतील परिस्थितीचा आढावा घेण्यासाठी आदित्य ठाकरे मुंबई महानगरपालिका कंट्रोल रुममध्ये WHO'च्या शास्त्रज्ञाचा इशारा | भारतासाठी कोरोनाचं संकट मोठं, पुढील 6 ते 18 महिने चिंतेचे High Alert | मुंबईकरांनो काळजी घ्या! पुढील काही तासांत अतिवृष्टीचा इशारा VIDEO | सुवेंदु अधिकारी यांनी माझ्याकडून लाच घेतली होती त्यांचं काय? मॅथ्यू सॅम्युअलचा सवाल देशात वादळ आणि कोरोना आपत्ती | त्यात अमृता फडणवीस यांचं सूचक नव्हे तर 'निरर्थक ट्विट' केंद्राने जगभरात लसी फुकट वाटल्या, त्यांच्या पापाचं फळ जनतेला भोगावं लागतंय - रुपाली चाकणकर
x

निधीचं आमिष द्यायला हाती काहीच नसताना मनसेची ग्राम पंचायतीत चांगली कामगिरी

MNS party, Gram Panchayat election 2021

पुणे, १८ जानेवारी: राज्यातील ग्रामपंचायत निवडणुकांचे निकाल आज जाहीर होत आहेत. १५ जानेवारी रोजी राज्यातील सुमारे १२ हजार ७११ ग्रामपंचायतींच्या निवडणुका पार पडल्या. या निवडणुकीसाठी सरासरी ७९ टक्के मतदान झाले. आज सकाळपासून या ग्रामपंचायत निवडणुकांचे निकाल जाहीर होण्यास सुरुवात झाली.

BhagyaVivah Marathi Matrimonial

ही निवडणूक गाजली ती राज्यातील मोठ्या पक्षांनी ग्रामपंचायतींना दिलेल्या मोठ्या निधी वचनाची. मात्र याबाबतीत मनसेच्या उमेदवारांकडे कोणतीही अर्थशक्ती नसताना देखील पक्षाने चांगली कामगिरी केल्याचं मान्य करावं लागेल. कारण ग्राम पंचायत निवडणूक लढविण्याचा निर्णय घेणं हा नक्कीच धाडसी निर्णय होता. तो देखील राज्यातील ३ प्रमुख पक्ष एकत्र आणि भाजप सारखा श्रीमंत पक्ष समोर असताना. यामध्ये सर्वात प्रथम दखल घ्यावी लागेल ती यवतमाळ मधील राजू उंबरकर यांच्या कामगिरीची.

कारण यवतमाळमध्ये मनसेला घवघवीत यश मिळाले आहे. येथील वणी मतदारसंघ हा मनसेचा बालेकिल्ला मानला जातो. येथील 15 ग्रामपंचायतींवर मनसेचा झेंडा फडकला आहे. मनसेने जिंकलेल्या 15 ग्रामपंचायतींमध्ये शिरपूर, मोहूर्ली, येनक, खांदला, खांदला, चंडकापुर, बाबापूर, मोहदा, शिंदी, माहागाव , गदाजी बोरी, करणवाडी या गावांचा समावेश आहे.

त्यानंतर ग्रामीण भागात मनसेने चांगली कामगिरी केल्याचं पाहायला मिळालं. यामध्ये सोलापूरच्या करमाळा तालुक्यातील हिवरे ग्रामपंचायतीमधील सातपैकी 5 जागांवर मनसेने विजय मिळवला. त्यानंतर अहमदनगरच्या शिरसटवाडी ग्रामपंचायमध्ये मनसेचे 9 सदस्य विजयी झाले आहेत. तर अमरावतीच्या अचलपूर तालुक्यातील खैरी सावंगी वाढोणा गट ग्रामपंचायतींमध्ये मनसेचे ०७ पैकी ०७ उमेदवार विजयी झाले आहेत. आर्णी तालुक्यातील शिरपूर ग्रामपंचायतीमध्ये सातपैकी सहा जागांवर मनसेचा विजय झाले आहेत. बीडमध्ये सुमंत धस यांच्या नैत्रुत्वात केज तालुक्यातील नारेवाडी ग्रामपंचायतमध्ये मनसेने ७ पैकी ५ जागांवर विजय प्राप्त केला. दुसऱ्या बाजूला वर्धा, चंद्रपूर, नांदेड, बुलढाणा आणि जालन्यात देखील मनसेने प्रवेश केला आहे.

दरम्यान, मनसेच्या बाबतीत सकाळ पहिली आनंदवार्ता आली ती अंबरनाथमधून. अंबरनाथ तालुक्यातील काकोळी ग्रामपंचायतीच्या निवडणुकीचा निकाल जाहीर झाला ज्यामध्ये शिवसेना आणि भारतीय जनता पक्ष या युतीच्या पॅनलचा पराभव करीत महाराष्ट्र नवनिर्माण सेनेच्या पॅनेलने वर्चस्व निर्माण केले. काकोळी ग्रामपंचायतीची निवडणूक ही सर्वच पक्षांसाठी प्रतिष्ठेची होती. या ग्रामपंचायतीवर एकूण ७ सदस्यांसाठी निवडणूक घेण्यात आली होती. त्यापैकी मनसेचे ४ सदस्य विजयी झाले आहेत.

यामध्ये एक नकारात्मक गोष्ट म्हणजे मनसेचं सुस्तावलेलं सोशल मीडिया अधिकृत पेज. यासर्व दिनक्रमात प्रसार माध्यमांना संबंधित राजकीय पक्षांच्या सोशल मीडिया पेजवरून अधिकृत माहिती मिळत असल्याने त्याचा फायदा त्यांना झाला. मात्र मनसेची सोशल मीडिया टीम किंवा सोशल मीडिया हॅन्डलर दिवसभर कुठे होते ते समजण्यास मार्ग नाही. कारण मनसेच्या फेसबुक आणि ट्विटवर पेजवर शेवटचे अपडेट्स हे १४ आणि १५ जानेवारीच्या दिसत आहेत. विशेष म्हणजे मनसेचं सोशल मीडिया माध्यम शुभेच्छा, जयंती, अमुक-अमुक राष्ट्रीय वा जागतिक दिनाच्या शुभेच्छा यापुरताच मर्यादित झाल्याचं पाहायला मिळतं. त्यात प्रत्यक्ष जमिनीवर लोकांमध्ये काम करणाऱ्या अनेक कार्यकर्त्यांनी सांगितलं की मनसे अधिकृत पेजवर आमची सामाजिक कामं प्रसिद्ध करण्यासाठी देखील कोणत्या तरी वरिष्ठांचा संबधी हॅन्डलरला फोन जावा लागतो आणि अनेकदा तो जाऊनही प्रसिद्धी दिली जातं नाही जे इतर पक्षांच्या बाबतीत पाहायला मिळत नाही.

 

News English Summary: The results of the Gram Panchayat elections in the state are being announced today. On January 15, about 12 thousand 711 Gram Panchayat elections were held in the state. The turnout was 79 percent. The results of this Gram Panchayat election started to be announced from this morning.

News English Title: MNS party status in gram panchayat election 2021 result news updates.

हॅशटॅग्स

#RajThackeray(158)

संबंधित बातम्या

राहुन गेलेल्या बातम्या

x