कल्याण डोंबिवलीत महाराष्ट्र सैनिकांकडून घरोघरी जाऊन स्क्रिनिंग आणि ऑक्सिजन लेवल तपासणी

कल्याण, २० जुलै : मुंबई महानगर क्षेत्रामध्ये कोरोना रुग्णसंख्येत कल्याण-डोंबिवली महापालिका दुसऱ्या क्रमांकावर पोहोचली असून, गेल्या काही दिवसांपासून येथे दररोज ४५० ते ५५० बाधित आढळून येत आहेत. शहरातील एकूण रुग्णांचा आकडा १७ हजारांच्या पुढे गेल्याने गेल्या १७ दिवसांपासून शहरात लागू असलेली टाळेबंदी फसल्याची चर्चा सुरू झाली आहे.

मुंबई महानगर क्षेत्रामध्ये नऊ महापालिका येतात. त्यामध्ये मुंबई, ठाणे, नवी मुंबई, कल्याण-डोंबिवली, भिवंडी, उल्हासनगर, मिरा-भाईंदर, वसई-विरार आणि पनवेल महापलिकांचा समावेश आहे. मुंबई महपालिका क्षेत्रात दररोज अकराशे ते बाराशे करोनाबाधित रुग्ण आढळून येत आहेत. तर कल्याण-डोंबिवली महापालिका क्षेत्रात गेल्या २० दिवसांपासून दररोज ४५० ते ५५० रुग्ण आढळून येत आहेत.

कल्याण-डोंबिवली महापालिका क्षेत्रात आतापर्यंत १७ हजार ६४० कोरोनाबाधित रुग्ण आढळून आले आहेत. त्यापैकी ९ हजार ३०७ रुग्ण हे २ ते १९ जुलै या कालावधीत आढळून आले आहेत. ठाण्यापेक्षा कल्याण-डोंबिवली रुग्णसंख्येत आघाडीवर असल्याचे चित्र आहे. याशिवाय, मुंबई महानगर क्षेत्रामध्ये कोरोना रुग्ण संख्येत कल्याण-डोंबिवली दुसऱ्या स्थानावर असल्याचे चित्र आहे. त्यामुळे महापालिका प्रशासनाने आता शहरातील कोरोना चाचण्या आणि रुग्णांच्या संपर्कात आलेल्यांचा शोध घेण्याचे काम प्रभावीपणे करण्याची मागणी नागरिकांकडून होत आहे.

कल्याण डोंबिवलीतील बिकट परिस्थिती पाहता स्वतः महाराष्ट्र सैनिक योग्य ती सुरक्षेची खबरदारी घेत स्थानिक प्रशासनाच्या मदतीला उतरल्याचं पाहायला मिळत आहे. महाराष्ट्रसैनिक स्वत:च्या जीवाची पर्वा न करता वाढत्या कोरोना रूग्ण संख्येवर नियंत्रण मिळविण्यासाठी स्थानिक प्रशासनाला मदत म्हणुन रस्त्यावर उतरले असून धारावी पॅटर्न सुत्रानुसार आता स्वतः घरा घरात जाउन प्रत्येक नागरीकांची स्क्रिनिंग, आॅक्सिजन लेवल तपासणी करून त्यांना मार्गदर्शन करत आहेत. तसेच एखादा संक्षयीत रूग्ण आढळल्यास महापालिका प्रशासनाच्या मार्गदर्शन सुचीनुसार संबंधित रूग्णांचे विलगीकरण व मोफत चाचणी करण्यात येणार आहे. त्यामुळे कोरोना आपत्तीत राज ठाकरे यांचे कार्यकर्ते सामान्य लोकांसाठी अनेक शहरात समाज कार्य करताना प्रसार माध्यमांच्या नजरेस पडत आहेत.

News English Summary: In the Mumbai metropolitan area, Kalyan-Dombivali Municipal Corporation has reached the second position in the number of corona patients, with 450 to 550 infected people being found here daily for the last few days.

News English Title: MNS workers involved in screening and oxygen level counting in Kalyan Dombivli during corona crisis News Latest Updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.