मराठा आरक्षण | भाजप नेते अजूनही केंद्राची भूमिका नाकारत आहेत? | काय म्हणाले दरेकर?

मुंबई, २९ मे | आजपर्यंत शिवसेना आणि महाविकासआघाडी सरकारने नेहमीच आपल्याकडची कुठलीही गोष्ट केंद्रावर ढकलायचेच काम केले. आताही मराठा आरक्षणासंदर्भात हुकूमाची पानं पंतप्रधान नरेंद्र मोदी यांच्या हातात असल्याचे शिवसेना खासदार संजय राऊत म्हणत आहेत. हुकूमाची पानं त्यांच्या हातातच असतील तर मग तुमची गरजच काय, असा सवाल भारतीय जनता पक्षाचे नेते प्रविण दरेकर यांनी उपस्थित केला.

प्रविण दरेकर यांनी शनिवारी प्रसार माध्यमांशी संवाद साधला. यावेळी त्यांनी मराठा आरक्षणप्रश्नी केंद्र सरकारला पेचात पकडण्याचा प्रयत्न करणाऱ्या संजय राऊत यांना फटकारले. भारतीय जनता पक्षाला मराठा आरक्षणाच्या प्रश्नाची जाणीव आहे. मात्र, महाविकासआघाडी कायम आपल्याला जमत नाही ती गोष्ट केंद्रावर ढकलण्याचे काम करते. संजय राऊत यांना तर रोज उठून मोदी आणि भारतीय जनता पक्षावर बोलल्याशिवाय चैन पडत नाही, अशी टीका प्रविण दरेकर यांनी केली.

राज्याच्या राज्यपालांकडे प्रस्ताव सादर करावा लागेल. मग राष्ट्रपतींच्या माध्यमातून तो आयोगाकडे पाठवावा लागेल. यासाठी बराच वेळ जाईल. परंतु, ठाकरे सरकार सर्व गोष्टी केंद्रावर ढकलून दिशाभूल करत आहे, अशी टीका प्रवीण दरेकर यांनी केली.

News English Summary: Shiv Sena MP Sanjay Raut is saying that Prime Minister Narendra Modi is in charge of the Maratha reservation. Bharatiya Janata Party (BJP) leader Pravin Darekar raised the question, “If the pages of the decree are in their hands, then what is your need?

News English Title: Opposition leader Pravin Darekar criticized Mahaviaks Agahdi over Maratha Reservation news updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.