मग पोलिसांची बँक खाती AXIS बँकेत वळवली त्याला कोणता हट्ट म्हणायचा?

मुंबई, १४ ऑक्टोबर : आरेमधील मेट्रो कारशेड कांजूरला स्थलांतरित करण्याचा निर्णय राज्य सरकारनं घेतला आहे. मुख्यमंत्री उद्धव ठाकरे यांनी रविवारी याची घोषणा केली. मेट्रो कारशेड स्थलांतरित करण्याच्या निर्णयावरून भाजपा नेत्यांनी मुख्यमंत्र्यांवर निशाणा साधला होता.

भाजप नेते “आरेमधील कारशेड कांजूरमार्गला हलवणं म्हणजे बाल हट्ट पुरवण्याचा प्रकार आहे,” असं म्हणत भाजपा नेते प्रसाद लाड यांनी अप्रत्यक्षरीत्या आदित्य ठाकरेंवर टीका केली होती. दरम्यान, मेट्रो कारशेड स्थलांतरित करण्याच्या निर्णयावरून भाजपा नेत्यांनी मुख्यमंत्र्यांवर निशाणा साधला यावर आता राष्ट्रवादीचे आमदार अमोल मिटकरी यांनी पोलिसांची बँक खाती ॲक्सिस बँकेत वळवल्याचा हवाला देत भाजप नेत्यांच्या टीकेला उत्तर दिलं आहे.

“आ. प्रसाद लाड म्हणाले, आरेमधील कारशेड कांजूरमार्गला हलवणे म्हणजे बाल हट्ट पुरवण्याचा प्रकार आहे, असं मी ऐकलंय.. मग प्रश्न असा आहे की, मागील सरकारच्या काळात पोलिसांची सरकारी बँकेतील खाती खाजगी ॲक्सिस बँकेमध्ये वळवली त्याला कोणता हट्ट म्हणायचा??,” असं म्हणत अप्रत्यक्षरीत्या माजी मुख्यमंत्री देवेंद्र फडणवीस यांच्या पत्नी अमृता फडणवीस यांच्यावरही निशाणा साधत उत्तर दिलं आहे.

आरे मधलं कारशेड कांजूरमार्ग ला हलवणे म्हणजे बाल हट्ट पुरवण्याचा प्रकार आहे असे आ. प्रसाद लाड म्हणाले असं मी ऐकलंय..
मग प्रश्न असा आहे की, मागील सरकारच्या काळात पोलिसांची सरकारी बँकेतील खाती खाजगी ॲक्सिस बँके मध्ये वळवली त्याला कोणता हट्ट म्हणायचा ??@PrasadLadInd

— आ. अमोल रामकृष्ण मिटकरी (@amolmitkari22) October 13, 2020

News English Summary: The state government has decided to shift the metro car shed in Aarey to Kanjur. Chief Minister Uddhav Thackeray announced this on Sunday. The BJP leaders had targeted the Chief Minister over his decision to shift the Metro car shed. NCP MLA Amol Mitkari has responded to BJP leaders’ criticism of the decision to shift the Metro car shed by shifting police bank accounts to Axis Bank.

News English Title: Police bank accounts shifted to AXIS bank says NCP MLA Amol Mitkari news updates.