इथे तर पुलवामा आणि बालकोटवर हल्ला कधी होणार हे अर्णव यांना आधीच माहीत

मुंबई, १८ जानेवारी: अर्णव गोस्वामी यांचे चॅट बाहेर आले आहेत. त्यातून त्यांना पुलवामा आणि बालकोटवर हल्ला होणार असल्याचं आधीच माहीत असल्याचं दिसून येतं. देशाच्या सुरक्षेच्या दृष्टीने ही अत्यंत गंभीर बाब आहे, त्यामुळे त्यांचं कोर्ट मार्शल झालं पाहिजे, अशी मागणी शिवसेना नेते संजय राऊत यांनी केली. तसेच केंद्रीय गृहमंत्री अमित शहा आणि राज्यातील भाजपच्या प्रमुख नेत्यांनी आता याप्रकरणावर बोललं पाहिजे. याबाबत त्यांची मते काय आहेत, याविषयी आमच्या ज्ञानात भर घातली पाहिजे, असा टोला राऊत यांनी लगावला.

राज्यांतील नेतृत्व हिमतीचे व खमके असेल तर भारतीय जनता पक्षाचे केंद्रातील नेते काहीच करू शकत नाहीत. मुख्यमंत्री उद्धव ठाकरे यांनी त्यांचा खमकेपणा सिद्ध केलाच, पण अर्णबसारख्या भुताटकीचे खरे रूपही लोकांसमोर आणले. आता ‘अर्णब’चा आणि आपला काही संबंध नसल्याचे भारतीय जनता पक्षाचे पुढारी सांगत आहेत. हा पळपुटेपणा आहे. मराठीत एक म्हण आहे – ‘केले तुका आणि झाले माका’. गोस्वामीच्या बाबतीत नेमके तेच घडले आहे, असे म्हणत शिवसेनेने भारतीय जनता पक्षावर जोरदार टीका केली. शिवसेनेने सामनाच्या संपादकीयमधून भारतीय जनता पक्षावर टीकेचा बाण सोडला आहे.

एखाद्या अधिकाऱ्याकडे नकाशा जरी सापडला तरी त्याचं कोर्ट मार्शल केलं जातं. नंतर त्या अधिकाऱ्याचं काय होतं ते कुणालाच माहीत नसतं. इथे तर पुलवामा आणि बालकोटवर हल्ला कधी होणार हे अर्णव यांना आधीच माहीत असल्याचं दिसतं. म्हणजेच देशाच्या सुरक्षेत कुठेतरी कमतरता आहे हे त्यातून दिसून येतं. त्यामुळे अर्णव यांचं कोर्ट मार्शल होणार का? असा आमचा सवाल आहे, असं राऊत म्हणाले.

News English Summary: Arnav Goswami’s chats have come out. It shows that they already know that Pulwama and Balkot will be attacked. Shiv Sena leader Sanjay Raut demanded that this should be a court martial as it is a very serious matter in terms of national security. Also, Union Home Minister Amit Shah and key BJP leaders in the state should now speak on the issue. “We need to increase our knowledge of what their views are,” he said.

News English Title: Shivsena slams BJP over Arnab Goswami issue over getting military secret news updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.