अखेर श्रीपाद छिंदम १५ दिवसांसाठी नगर मधून तडीपार

नगर : संपूर्ण महाराष्ट्राचे आराध्यदैवत असणाऱ्या छत्रपती शिवाजी महाराजांबद्दल अपशब्द वापरणाऱ्या श्रीपाद छिंदमला अहमदनगर जिल्ह्यातून १५ दिवसांसाठी तडीपार करण्यात आले आहे. श्रीपाद छिंदमला महाराष्ट्रातूनच कायमचा हद्दपार करा या मागणीसाठी उद्या अहमदनगरमध्ये शिवप्रेमींच्या नैतृत्वाखाली मोर्चा काढण्यात येणार असल्यामुळे खबरदारी म्हणून श्रीपाद छिंदमला १५ दिवसांसाठी नगर मधून तडीपार करण्याचा निर्णय घेण्यात आला आहे.

छत्रपती शिवाजी महाराजांबद्दल अपशब्द वापरल्या प्रकरणी श्रीपाद छिंदमवर गुन्हा दाखल करण्यात आला होता. परंतु नंतर जामिनावर बाहेर आला आहे. श्रीपाद छिंदमला महाराष्ट्रातूनच कायमचा हद्दपार करा या मागणीसाठी उद्या सकाळी अहमदनगरमध्ये शिवप्रेमींच्या नैतृत्वाखाली मोर्चा काढण्यात येणार आहे. हा मोर्चा शिवाजी महाराज पुतळ्यापासून हा मोर्चा सुरू होणार असून तो माळीवाडा वेस, पंचपीर चावडी, माणिक चौक, भिंगारवाला चौक, कापड बाजार, तेलीखुंट, चितळे रोडमार्गे चौपाटी कारंजा असा प्रवास करणार आहे. शिवप्रेमींच्या नैतृत्वाखाली मोर्चा काढण्यात येणार असल्यामुळे खबरदारी म्हणून श्रीपाद छिंदमला १५ दिवसांसाठी नगर मधून तडीपार करण्याचा निर्णय घेण्यात आला आहे.