CISF'च्या ६ जवानांचे कोरोना चाचणी रिपोर्ट पॉझिटिव्ह

नवी मुंबई, ३ एप्रिल: खारघर येथे नियुक्त असलेल्या केंद्रीय औद्योगिक सुरक्षा दलाच्या (सीआयएसएफ) आणखी ६ जवानांना कोरोनाची लागण झाल्याची माहिती समोर आली आहे. कोकण विभागीय आयुक्त शिवाजी दौंड यांनी गुरुवारी ही माहिती दिली. याआधी केंद्रीय औद्योगिक सुरक्षा दलाच्या ५ जवानांना कोरोनाची लागण झाली होती.

केंद्रीय सुरक्षा बलाच्या खारघर येथील १३९ अधिकारी आणि सेवेसाठी नियुक्त असणा-या १२ कर्मचारी यांच्यापैकी 5 जवानांना कोविड-१९ टेस्ट यापूर्वी पॉझिटिव्ह आढळून आली होती. त्यानुसार कोकण विभागीय आयुक्त शिवाजी दौंड यांनी तातडीने आदेश काढून काल रात्री 2 एप्रिल रोजी उशिरा १४६ अधिकारी/कर्मचा-यांना महात्मा गांधी मेमोरियल हॉस्पिटल कळंबोली येथे स्वतंत्र विलगीकरण कक्षात ठेवण्याची आदेश जारी केले होते.

केंद्रीय सुरक्षा बलाच्या जवानांना तातडीने विलगीकरणात ठेवल्यामुळे संभाव्य धोका केवळ प्रशासनाच्या निर्णयामुळे कमी झाला आहे. एमजीएम हॉस्पिटलमध्ये त्यांच्यासाठी स्वतंत्र दोन विंग तयार करण्यात आले असून त्यांना आवश्यक असणा-या सर्व सुविधा शासनाने उपलब्ध करून दिल्या आहेत. प्रशिक्षित वैद्यकीय अधिकारी त्यांच्यावर लक्ष ठेवून आहेत.

News English Summary: It has been learned that two more Central Industrial Security Force (CISF) personnel stationed at Kharghar have infected Corona. Konkan Divisional Commissioner Shivaji Daund gave this information on Thursday. Earlier, five Central Industrial Security Force personnel were infected with coronas. Of the 139 officers at the Central Security Force’s Kharghar and 12 personnel assigned to the service, 5 were found to be positive before the Covid-19 test. Accordingly, Konkan Divisional Commissioner Shivaji Daund had issued an order to keep 146 officers / employees late in the night at the Mahatma Gandhi Memorial Hospital Kalamboli on April 2 last night.

News English Title: Story Navi Mumbai 6 more CISF Jawan Covid 19 test report positive News latest Updates.