7 July 2020 11:57 PM
अँप डाउनलोड

राज्यात २६०८ नवे कोरोना रुग्ण, ६० मृत्यू, एकूण संख्या ४७ हजारांच्या पुढे

Covid 19, Maharashtra

मुंबई, २३ मे: राज्यात करोनामुळे आणखी ६० जणांचा मृत्यू झाला आहे. आज दिवसभरात करोनाचे २६०८ नवीन रुग्ण आढळून आले आहेत तर त्याचवेळी ८२१ रुग्णांनी करोनावर मात करण्यात यश मिळवले आहे. राज्यातील रुग्णसंख्येचा आकडा ५० हजारच्या दिशेने मार्गक्रमण करत असून आज हा आकडा ४७,१९० वर पोहचला आहे. सध्या प्रत्यक्षात ३२,२०१ करोना बाधित रुग्ण विविध रुग्णालयांत उपचार घेत आहेत.

BhagyaVivah Marathi Matrimonial

आज झालेल्या ६० मृत्यूंपैकी ४० मृत्यू मुंबईत, १४ पुण्यात, २ सोलापुरात, १ वसई-विरारमध्ये, १ सातऱ्यात, १ ठाण्यात आणि १ नांदेडमध्ये नोंदवला गेला आहे. ज्या ६० जणांचा मृत्यू झाला आहे त्यामध्ये ४१ पुरुष आणि १९ महिला होत्या. ६० पैकी २९ रुग्ण हे ६० वर्षे किंवा त्यावरील वयाचे होते. तर २४ रुग्ण हे ४० ते ५९ या वयोगटातले होते. इतर ७ जण हे ४० वर्षांपेक्षा कमी वयाचे होते. मागील २४ तासांमध्ये झालेल्या ६० मृत्यूंपैकी ३६ रुग्णांना मधुमेह, उच्च रक्तदाब, हृदयरोग असे गंभीर आजार होते.

मुंबई शहरातील कोरोनाचा मुख्य हॉटस्पॉट असलेल्या धारावीत शनिवारी आणखी ३३ जणांची COVID-19 टेस्ट पॉझिटिव्ह आली. त्यामुळे धारावीतील कोरोनाबाधितांच्या संख्येने दीड हजाराचा टप्पा ओलांडला आहे. तर संपूर्ण मुंबईत गेल्या २४ तासांत कोरोनाचे १५६६ रुग्ण वाढले आहेत. त्यामुळे मुंबईतील एकूण कोरोनाबाधितांचा आकडा २८८१७ इतका झाला आहे.

 

News English Summary: Corona has killed another 60 people in the state. Today, 2608 new cases of corona have been detected during the day while 821 patients have succeeded in overcoming corona.

News English Title:  Today 2608 new covid 19 cases found in Maharashtra News Latest Updates.

महत्वाची सूचना: कोरोना आपत्तीत सतर्क राहणं कधीही चांगलं आणि त्यासाठीच आपत्कालीन परिस्थितीत सर्व माहिती देणारं अँप सोबत असणं देखील गरजेचं आहे. म्हणून आत्ताच डाउनलोड करा... महाराष्ट्रनामा कोरोना डॅशबोर्ड.

Download App Now
Download Corona Dashboard App

हॅशटॅग्स

#CoronaCrisis(982)

संबंधित बातम्या

राहुन गेलेल्या बातम्या

x