7th Pay Commission | केंद्र सरकारच्या कर्मचाऱ्यांना महागाई भत्ता (डीए) वाढीची घोषणा होण्याची आतुरता वाढली आहे. केंद्र सरकार सुट्टीच्या काळात केंद्र सरकारच्या कर्मचाऱ्यांसाठी सणासुदीच्या काळात घोषणा करू शकते.
मीडिया रिपोर्ट्सनुसार, केंद्र सरकार नवरात्र आणि दिवाळीदरम्यान डीए वाढीबाबत गुड न्यूज जाहीर करू शकते. सध्याच्या ४२ टक्क्यांवरून ४६ टक्क्यांपर्यंत ४ टक्के महागाई भत्ता वाढवण्याची घोषणा सरकार करू शकते, अशी चर्चा प्रसारमाध्यमांमध्ये सुरू आहे. महागाई भत्ता वाढविण्यासाठी सातव्या वेतन आयोगाच्या शिफारशींवर आधारित मान्यताप्राप्त सूत्राचे पालन केले जाईल.
46 टक्के महागाई भत्ता वाढीनंतर पगार किती वाढणार
सध्या केंद्र सरकारच्या कर्मचाऱ्यांना ४२ टक्के महागाई भत्ता मिळत आहे. या वाढीनंतर महागाई भत्ता ४६ टक्के होणार आहे. 18,000 रुपयांच्या मूळ वेतनावर वार्षिक महागाई भत्ता वाढ 8640 रुपये असेल तर 56,900 रुपयांच्या मूळ वेतनावर वार्षिक महागाई भत्ता वाढ 27,312 रुपये असेल..
किमान मूलभूत वेतनाची गणना अशी : महागाई भत्त्यात वाढ
1. बेसिक सॅलरी – 18,000 रुपये
2. सध्याचा महागाई भत्ता 42 टक्के – महागाई भत्त्यात दरमहा 7,560 रुपयांची वाढ
3. नवीन महागाई भत्ता 46 टक्के – महागाई भत्त्यात दरमहा 8,280 रुपयांची वाढ
4. डीए वाढ – 8,280- 7,560 रुपये = 720 रुपये प्रति महिना
5. वार्षिक वेतन वाढ 720 x 12 = 8,640 रुपये
कमाल मूळ वेतनाची गणना अशी : महागाई भत्त्यात वाढ
1. बेसिक सॅलरी – 56900 रुपये
2. सध्याचा महागाई भत्ता 42 टक्के – 23,898 रुपये प्रति महिना
3. नवीन महागाई भत्ता 46% – महागाई भत्त्यात दरमहा 26,174 रुपयांची वाढ
4. डीए वाढ – 26,174 रुपये – 23,898 रुपये = 2,276 रुपये प्रति महिना
5. डीए मध्ये वार्षिक वाढ – 2,276 x 12 रुपये = 27,312 रुपये
महागाई भत्ता वाढ मार्च 2023
केंद्र सरकारच्या कर्मचाऱ्यांना महागाई भत्ता आणि पेन्शनधारकांना महागाई सवलतीचा अतिरिक्त हप्ता 01.01.2023 पासून देण्यास केंद्र सरकारने मार्चमध्ये मान्यता दिली होती. भाववाढीची भरपाई करण्यासाठी अतिरिक्त हप्ता मूळ वेतन/पेन्शनच्या सध्याच्या ३८% दरापेक्षा ४% वाढ दर्शवेल.
महत्वाचं : म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
