Astra Microwave Share Price | एस्ट्रा मायक्रोवेव्ह कंपनीच्या शेअरमध्ये जोरदार खरेदी पाहायला मिळत आहे. शुक्रवारी मार्केट ओपनिंगमध्ये सुरुवातीच्या काही तासात एस्ट्रा मायक्रोवेव्ह कंपनीच्या शेअरची किंमत 7 टक्के वाढली होती. आणि शेअर 398.60 रुपये किमतीवर ट्रेड करत होता. ही एस्ट्रा मायक्रोवेव्ह मायक्रोवेव्ह कंपनीच्या शेअरची 52 आठवड्यांची उच्चांक पातळी किंमत होती.
मात्र नंतर स्टॉकमध्ये थोडी सुधारणा झाली आणि शेअरची किंमत पुन्हा खाली आली. शुक्रवार दिनांक 25 ऑगस्ट 2023 रोजी एस्ट्रा मायक्रोवेव्ह कंपनीचे शेअर्स 2.18 टक्के वाढीसह 377.25 रुपये किमतीवर क्लोज झाले होते.
स्टॉकवाढीचे कारण :
एस्ट्रा मायक्रोवेव्ह कंपनीच्या शेअर्समध्ये अचानक तेजी येण्याचे कारण म्हणजे, या कंपनीला इस्रो आणि डीआरडीओ या दोन्ही दिग्गज संस्थे मोठी ऑर्डर मिळाली आहे. एस्ट्रा मायक्रोवेव्ह कंपनीने जाहीर केलेल्या माहितीनुसार कंपनीला 158 कोटी रुपये मूल्याची ऑर्डर मिळाली आहे. 24 ऑगस्ट 2023 रोजी एस्ट्रा मायक्रोवेव्ह कंपनीने सेबीला कळवले की, कंपनीला DRDO, ISRO आणि DPSU कडून 158 कोटी रुपये मूल्याचे काम मिळाले आहे.
गुंतवणुकीवर परतावा :
या कामात उपग्रह प्रणाली आणि हवामान प्रणालीशी संबंधित वर्क ऑर्डर असून त्याचे एकूण मूल्य 16.80 कोटी रुपये असेल. एस्ट्रा मायक्रोवेव्ह कंपनीला हे काम पूर्ण करण्यासाठी 12 ते 18 महिन्यांची मुदत देण्यात आली आहे. या ऑर्डरची बातमी येताच गुंतवणूकदारांनी मोठ्या प्रमाणात स्टॉक खरेदी करायला सुरुवात केली.
मागील एका महिन्यात एस्ट्रा मायक्रोवेव्ह कंपनीच्या शेअरची किंमत फक्त 2.8 टक्क्यांनी वाढली आहे. मागील एका वर्षात हा कंपनीच्या शेअरने लोकांना 14.3 टक्के नफा कमावून दिला आहे. तर मागील सहा महिन्यात या कंपनीच्या शेअरने गुंतवणुकदारांना 44.51 टक्के नफा कमावून दिला आहे.
महत्वाचं : म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
