Banana Rates | सणासुदीचा हंगाम तोंडावर आला असून त्याआधीच लोकप्रिय फळ केळीच्या दरात वाढ होताना दिसत आहे. भाजीपाल्याप्रमाणेच केळीच्या दरानेही सर्वसामान्यांचे टेन्शन वाढले आहे. कर्नाटकातील बेंगळुरूमध्ये केळीचे दर १०० रुपये किलोपर्यंत पोहोचले आहेत. त्याच्या किमतीत वाढ होण्याचे कारण पुरवठा आणि मागणीतील चढ-उतार असल्याचे मानले जात आहे. केळीपुरवठ्याच्या मोठ्या भागासाठी बेंगळुरूसहित अनेक राज्य ही तामिळनाडूवर मोठ्या प्रमाणात अवलंबून आहेत.
दोन प्रकारच्या केळीला मागणी :
बेंगळुरू कृषी उत्पन्न बाजार समितीचे सचिव राजण्णा यांनी टाइम्स ऑफ इंडियाला दिलेल्या वृत्तात म्हटले आहे की, केळीच्या दोन जाती सर्वाधिक खाल्ल्या जातात. अलक्कीबेल आणि पाचबाळे या दोन जाती आहेत. त्याची मागणी आणि पुरवठा यांच्यातील समतोल बदलतो. सध्या तामिळनाडूतून येणारी आवक मर्यादित आहे. सुमारे ३० दिवसांपूर्वी बिन्नीपेट बाजारात १५०० क्विंटल इलासिबेल जातीच्या केळीची आवक झाली. आज ही संख्या १००० क्विंटल आहे.
तामिळनाडू होसूर आणि कृष्णागिरी येथून पुरवठा करते. आंतरराज्य पुरवठ्यातील अडचणींमुळे इलासिबेल केळीचे घाऊक दर सध्या ७८ रुपये किलो असले तरी किरकोळ दर १०० रुपयांपर्यंत गेले आहेत.
सणासुदीच्या काळात किंमती अजून वाढतील :
ओणम, गणेश चतुर्थी आणि दुर्गापूजा सारखे सण जवळ आले आहेत. अशा परिस्थितीत केळीची मागणी वाढण्याची शक्यता आहे. सणासुदीच्या काळात मागणी-पुरवठ्यातील तफावतीमुळे किमती मोठ्या प्रमाणात वाढण्याची शक्यता आहे.
