Bonus Shares | अनूप इंजिनिअरिंग या औद्योगिक यंत्रसामग्री उत्पादक कंपनीचे शेअर्स सोमवारच्या ट्रेडिंग सेशनमध्ये 15 टक्क्यांच्या वाढीसह 3130.60 रुपये किमतीवर ट्रेड करत होते. मागील 5 महिन्यांत या कंपनीच्या शेअर्सने एका दिवसात साध्य केलेली ही सर्वात मोठी उसळी होती. मात्र आज या कंपनीच्या शेअर्समध्ये जोरदार नफा वसुली सुरू झाली आहे. ( अनूप इंजिनिअरिंग कंपनी अंश )
या कंपनीच्या शेअर्सने नुकताच 3325 रुपये ही आपली 52 आठवड्यांची उच्चांक किंमत पातळी स्पर्श केली होती. आज बुधवार दिनांक 20 मार्च 2024 रोजी अनूप इंजिनिअरिंग स्टॉक 1.37 टक्के घसरणीसह 3,227.40 रुपये किमतीवर ट्रेड करत आहेत.
आता अनुप इंजिनिअरिंग कंपनीने आपल्या गुंतवणुकदारांना मोफत बोनस शेअर्स वाटप करण्याची घोषणा केली आहे. कंपनीच्या संचालक मंडळाची बैठक 20 मार्च रोजी आयोजित करण्यात आली आहे. या बैठकीत बोनस शेअर्स वाटप करण्याच्या प्रस्तावावर चर्चा करून रेकॉर्ड तारीख निश्चित केली जाईल.
अनूप इंजिनिअरिंग कंपनीने 2019, 2020 आणि 2021 मध्ये आपल्या गुंतवणुकदारांना 7 रुपये प्रति शेअर लाभांश वाटप केला होता. 2022 मध्ये या कंपनीने आपल्या गुंतवणुकदारांना प्रत्येक शेअरवर 8 रुपये लाभांश वाटप केला होता. मागील वर्षी जुलै 2023 मध्ये या कंपनीने आपल्या शेअरधारकांना 15 रुपये अंतिम लाभांश वाटप केला होता.
अनुप इंजिनिअरिंग कंपनीच्या शेअर्सने मागील एका वर्षात आपल्या गुंतवणूकदारांना 217 टक्के परतावा कमावून दिला आहे. 20 मार्च 2023 रोजी या कंपनीचे शेअर्स 989.55 रुपये किमतीवर ट्रेड करत होते. अनूप इंजिनिअरिंग कंपनीचे शेअर 18 मार्च 2024 रोजी 3130.60 रुपये किमतीवर क्लोज झाले होते.
मागील 6 महिन्यांत अनूप इंजिनिअरिंग कंपनीचे शेअर्स 50 टक्क्यांनी मजबूत झाले होते. 20 सप्टेंबर 2023 रोजी अनूप इंजिनिअरिंग स्टॉक 2093.65 रुपये किमतीवर ट्रेड करत होता. या कंपनीच्या शेअर्सची 52 आठवड्यांची उच्चांक किंमत पातळी 3200 रुपये होती. तर नीचांक किंमत पातळी 952 रुपये होती.
महत्वाचं : म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
