IREDA Share Price | आयआरईडीए शेअर्स या टार्गेट प्राईसला स्पर्श करणार? तज्ज्ञांनी दिली महत्वाची अपडेट

IREDA Share Price | इंडियन रिन्यूएबल एनर्जी डेव्हलपमेंट एजन्सी म्हणजेच आयआरईडीए कंपनीच्या शेअर्समध्ये जबरदस्त उलाढाल पाहायला मिळत आहे. सोमवारच्या ट्रेडिंग सेशनमध्ये या कंपनीचे शेअर्स 3.30 टक्क्यांच्या वाढीसह 133 रुपये किमतीवर ट्रेड करत होते. तर आज या स्टॉकमध्ये जोरदार नफा वसुली सुरू आहे. ( इंडियन रिन्यूएबल एनर्जी डेव्हलपमेंट एजन्सी कंपनी अंश )

आयआरईडीए कंपनीच्या शेअर्सची 52 आठवड्यांची उच्चांक किंमत पातळी 214.80 रुपये होती. आज बुधवार दिनांक 20 मार्च 2024 रोजी आयआरईडीए स्टॉक 2.67 टक्के घसरणीसह 125.90 रुपये किमतीवर ट्रेड करत आहेत.

शेअर बाजारातील तज्ञांनी आयआरईडीए स्टॉक खरेदी करताना 119 रुपये किमतीवर स्टॉपलॉस लावण्याचा सल्ला दिला आहे. तज्ञांच्या मते, या कंपनीचे शेअर्स जर 143 रुपयेच्या पुढे गेले तर 200 रुपये किंमत स्पर्श करू शकतात. शेअर बाजारात लिस्टिंग झाल्यावर या कंपनीचे शेअर्स तेजीत वाढत होते. काही आठवड्यात हा स्टॉक 215 रुपये किमतीवर पोहचला होता. या कंपनीच्या IPO ची इश्यू किंमत 32 रुपये होती. आणि शेअर 50 रुपये किमतीवर सूचीबद्ध झाला होता.

नुकताच इंडियन रिन्युएबल एनर्जी डेव्हलपमेंट लिमिटेड कंपनीचे अध्यक्ष आणि व्यवस्थापकीय संचालक यांनी एका निवेदनात म्हंटले आहे की, “कंपनी B2C विभागाशी संबंधित रूफटॉप सोलर, PM-KUSUM, इलेक्ट्रिक आणि किरकोळ प्रकल्प पूर्ण करण्यासाठी एका उपकंपनीची स्थापना करण्याचा विचार करत आहे. आयआरईडीए कंपनी भारत सरकारच्या मंजुरीनंतर रिटेल सेक्टरमध्ये व्यवसाय विस्तार करण्यासाठी 100 टक्के मालकीची एक उपकंपनी स्थापन करेल”.

महत्वाचं : म्युच्युअल फंड आणि शेअर बाजारातील गुंतवणूक ही जोखमींवर आधारित असते.  शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.

News Title | IREDA Share Price NSE Live 20 March 2024.