FabIndia IPO | एथनिक वेअर ब्रँड फॅबइंडियाच्या आयपीओला बाजार नियामक सेबीकडून यापूर्वीच मान्यता मिळाली आहे. प्रस्तावित चार हजार कोटी रुपयांच्या आयपीओला सेबीने ३० एप्रिल रोजी हिरवा कंदील दाखवला होता आणि त्यासंबंधीचे निरीक्षण पत्र कंपनीला सोमवारी (२ मे) मिळाले. फॅबइंडियाने ४ हजार कोटी रुपयांचा आयपीओ आणण्यासाठी २४ जानेवारी २०२२ रोजी सेबीकडे रेड हेरिंग प्रॉस्पेक्टसचा मसुदा दाखल केला होता.
The IPO of ethnic wear brand FabIndia has received the approval of market regulator SEBI. SEBI had given green signal for the proposed IPO of Rs 4,000 crore on 30 April 2022 :
५०० कोटी रुपयांचे नवे शेअर्स जारी करणार :
त्यानुसार कंपनीने ५०० कोटी रुपयांचे नवे शेअर्स जारी करण्याची योजना आखली असून ऑफर फॉर सेल (ओएफएस) अंतर्गत २,५०,५०,५४३ इक्विटी शेअर्सची विक्री केली जाणार आहे. बायसेल फॅमिलीशिवाय प्रेमजी इन्व्हेस्ट, बजाज होल्डिंग्स आणि कोटक इंडिया अॅडव्हान्टेज ऑफच्या माध्यमातून आपले भागभांडवल विकू शकतात. या इश्यूअंतर्गत सुमारे 7.75 लाख शेअर्स कारागिर आणि शेतकऱ्यांना भेट देण्याची योजना आहे.
शेतकरी आणि कारागिरांना शेअर्स भेट देण्याची योजना :
सेबीकडे दाखल झालेल्या प्रॉस्पेक्टसनुसार कंपनीचे प्रवर्तक शेतकरी आणि कारागिरांना शेअर्स भेट म्हणून देऊ शकतात. फॅबइंडियाच्या म्हणण्यानुसार, प्रवर्तक बिमला नंदा बिस्ल आणि मधुकर खेरा यांनी आपली डिमॅट खाती उघडली आहेत आणि बिस्लने 4 लाख आणि खेरा यांनी 3,75,080 इक्विटी शेअर्स खात्यात ट्रान्सफर केले आहेत. हे शेअर्स कारागीर आणि शेतकऱ्यांना भेट म्हणून देण्याचे नियोजन आहे. या इश्यूअंतर्गत 500 कोटी रुपयांचे नवे शेअर्स जारी करण्यात येणार आहेत. नव्या शेअर्सच्या माध्यमातून जमा झालेले २५० कोटी रुपये एनसीडी (नॉन कन्व्हर्टिबल डिबेंचर्स) ऐच्छिक रिडम्प्शन आणि १५० कोटी रुपयांचे कर्ज पूर्वफेडीसाठी वापरले जाणार आहेत.
आर्थिक वर्ष 2021 मध्ये 116 कोटी रुपयांचा तोटा :
लाइफस्टाइल रिटेल ब्रँड फॅबइंडियाची सुरुवात सुमारे २२ वर्षांपूर्वी १९६० साली झाली होती. हे प्रामुख्याने अस्सल, टिकाऊ आणि पारंपारिक उत्पादनांची विक्री करते. कंपनीचे फॅबइंडिया आणि ऑरगॅनिक इंडिया हे देशातील सर्वात लोकप्रिय ब्रँडपैकी एक आहेत. कंपनीच्या आर्थिक स्थितीबद्दल बोलायचे झाले तर आर्थिक वर्ष 2021 नुसार कंपनीला 1059 कोटी रुपयांचा महसूल मिळाला होता, मात्र 116 कोटी रुपयांचा निव्वळ तोटा झाला होता.
महत्वाचं: तुम्हाला हा लेख/बातमी आवडली असेल तर नक्की शेअर करा आणि अशा प्रकारचे लेख/बातमी भविष्यात वाचण्यास आवडतील तर कृपया खालील ‘फॉलो (Follow) ‘ बटणवर न विसरता क्लिक करून महाराष्ट्रनामाला फॉलो कडून बातमी शेअर करा. तसेच शेअर बाजारातील गुंतवणुकीसंदर्भात तज्ज्ञांनी दिलेल्या सल्ल्याशी आमचा काहीही संबंध नाही. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. शेअर खरेदी/विक्री हा बाजार तज्ज्ञांचा सल्ला आहे. म्युच्युअल फंड आणि शेअर बाजारातील गुंतवणूक ही जोखमींवर आधारित असते. त्यामुळे कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
