Gabriel Share Price | गॅब्रिएल इंडिया या राइड कंट्रोल उत्पादने बनवणाऱ्या कंपनीच्या शेअरने आपल्या गुंतवणूकदारांना करोडपती बनवले आहे. मात्र आज या स्टॉकमध्ये किंचित विक्रीचा दबाव पाहायला मिळत आहे. या कंपनीच्या शेअरने आपल्या दीर्घकालीन गुंतवणूकदारांना करोडो रुपये नफा मिळवून दिला आहे. एकेकाळी या कंपनीचे शेअर्स 2.59 रुपये किमतीवर ट्रेड करत होते. मात्र आता हा स्टॉक 300 रुपयेच्या पार गेला आहे.
ब्रोकरेज फर्म जिओजित बीएनपी परिबासच्या तज्ञांच्या मते गॅब्रिएल इंडिया कंपनीचे शेअर्स सध्याच्या किंमत पातळीपासून 13 टक्क्यांनी स्वस्त होऊ शकतात. गॅब्रिएल इंडिया कंपनीचे एकूण बाजार भांडवल 4,559.98 कोटी रुपये आहे. आज सोमवार दिनांक 18 सप्टेंबर 2023 रोजी गॅब्रिएल इंडिया कंपनीचे शेअर्स 0.35 टक्के घसरणीसह 316.45 रुपये किमतीवर ट्रेड करत आहेत.
20 सप्टेंबर 2002 रोजी गॅब्रिएल इंडिया कंपनीचे शेअर्स 2.60 रुपये किमतीवर ट्रेड करत होते. आता हा स्टॉक 12110 टक्क्यांच्या वाढीसह 316.45 रुपये किमतीवर पोहचला आहे. म्हणजेच मागील 21 वर्षापूर्वी ज्या लोकांनी या कंपनीच्या शेअरमध्ये 82000 रुपये लावले होते, त्यांच्या गुंतवणुकीचे मूल्य आता करोडो रुपये झाले आहे.
28 मार्च 2023 रोजी या कंपनीचे शेअर्स 129.50 रुपये किमतीवर ट्रेड करत होते. म्हणजेच अवघ्या 5 महिन्यांत गॅब्रिएल इंडिया कंपनीचे शेअर्स 161 टक्क्यांनी मजबूत झाले आहेत. 5 सप्टेंबर 2023 रोजी गॅब्रिएल इंडिया कंपनीचे शेअर्स 338.35 रुपये या आपल्या विक्रमी उच्चांक किंमत पातळीवर ट्रेड करत होते.
गॅब्रिएल इंडिया कंपनीच्या एकूण विक्रीमध्ये EV विक्रीचा वाटा 9 टक्के आहे. EV सेगमेंटमध्ये या कंपनीने बाजारातील तब्बल 60 टक्के वाटा काबीज केला आहे. या सर्व बाबी लक्षात घेऊन तज्ञांनी स्टॉकमध्ये किंचित घसरण होण्याचा अंदाज व्यक्त केला आहे. शेअर बाजारातील तज्ञांच्या मते गॅब्रिएल इंडिया कंपनीचे शेअर्स पुढील काळात 275 रुपये किमतीपर्यंत घसरू शकतात. म्हणून तज्ञांनी या कंपनीचे शेअर्स तत्काळ विकण्याचा सल्ला दिला आहे.
गॅब्रिएल इंडिया कंपनी आपल्या वाहन क्षेत्रातील ग्राहकांसाठी शॉक अब्सोर्बर, स्ट्रट्स आणि फ्रंट फोर्स यांसारखी राइड कंट्रोल उत्पादने बनवण्याचे काम करते. वाहन निर्मिती क्षेत्रातील दिग्गज Ola, Ather, TVA, Ampere आणि Okinawa यासारख्या कंपन्या गॅब्रिएल इंडिया कंपनीचे ग्राहक आहेत. देशांतर्गत ब्रोकरेज फर्म जिओजित बीएनबी परिबासच्या मते सबसिडी कपात आणि प्रॉडक्शन लिंक्ड इन्सेंटिव्ह फायद्यांबाबत भारत सरकारच्या कठोर धोरणामुळे इलेक्ट्रिक वाहनांमधील मागणी स्थिर राहण्याची शक्यता आहे.
महत्वाचं : म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
