HDFC FD Interest Rates | भारतीय रिझर्व बँक द्वारे रेपो रेट कमी केल्यानंतर देशातील अनेक बँका एफडीची व्याजदर कमी करायला सुरुवात केली आहे. अनेक बँका अद्यापही एफडीच्या व्याजदरात सुधारणा करून, यामध्ये कपात करत आहेत. याच क्रमात खाजगी क्षेत्रातील एचडीएफसी बँकने काही निवडक कालावधीच्या एफडी योजनांच्या व्याजदरात कपात केली आहे. एचडीएफसी बँकने व्याजदरात 20 बेसिस पॉईंट्स म्हणजेच 0.20 टक्क्यांपर्यंतची कपात केली आहे. मोठ्या खाजगी बँकेने 3 कोटी रुपयांपेक्षा कमीच्या एफडीसाठी हे बदल केले आहेत. बँकेच्या नवीन व्याजदरांचा लागू होण्याची तारीख 23 मे 2025 असेल. यापूर्वी, एचडीएफसी बँकने एप्रिल 2025 मध्येही एफडीच्या दरात 50 बेसिस पॉईंट्सची कपात केली होती.
सामान्य नागरिकांना आता एफडीवर 6.85%पर्यंत व्याज मिळणार आहे. एफडीच्या व्याज दरांमध्ये कपात झाल्यानंतर, सामान्य नागरिकांना एफडीवर 3% ते 6.85%पर्यंत व्याज मिळेल. तर ज्येष्ठ नागरिकांना 3.5% पासून 7.35% पर्यंत व्याज दिले जाईल. या ताज्या बदलांपूर्वी, एचडीएफसी बँक सामान्य नागरिकांना एफडीवर 3% ते 7.10% आणि ज्येष्ठ नागरिकांना 3.5% ते 7.55%पर्यंत व्याज ऑफर करत होती. एचडीएफसी बँकेने सर्व कालावधीच्या एफडीवर व्याज दर कमी केलेले नाहीत. हे कपात केवळ काही विशेष कालावधीच्या एफडीसाठी करण्यात आली आहे.
1 वर्षाहून अधिक आणि 15 महिन्यांहून कमी कालावधीच्या FD च्या व्याजदरात घट झाली आहे. HDFC बँकेने 1 वर्षाहून अधिक आणि 15 महिन्यांहून कमी कालावधीच्या FD वर सामान्य नागरिकांना दिल्या जाणाऱ्या व्याजात 0.10 टक्क्यांची कपात केली आहे. आता या कालावधीतील FD वर सामान्य नागरिकांना 6.50 टक्के व्याज मिळणार आहे, जे पूर्वी 6.60% होते. याशिवाय, 18 महिन्यांपासून 21 महिन्यांपर्यंत कमी कालावधीत परिपक्व होणाऱ्या FD साठी बँकने 0.20 टक्क्यांची कपात केली आहे, जी 7.05% वरून 6.85% पर्यंत कमी झाली आहे.
