IKIO Lighting Share Price | आला रे आला IPO आला! IKIO लायटिंग IPO साठी पैसे तयार ठेवा, शेअर ग्रे मार्केटमध्ये धमाल करतोय

IKIO Lighting Share Price | सध्या जर तुम्ही IPO मध्ये गुंतवणूक करून कमाई करु इच्छित असाल तर तुमच्यासाठी एक खुशखबर आली आहे. IKIO लायटिंग या LED उत्पादने, फॅन रेग्युलेटर बनवणाऱ्या कंपनीचा IPO गुंतवणुकीसाठी खुला करण्यात आला आहे.

ग्रे मार्केटमध्ये शानदार कामगिरी

प्रारंभिक सार्वजनिक ऑफरमध्ये गुंतवणूक करून कमाई करण्याची ही सुवर्ण संधी ठरू शकते. IKIO लायटिंग कंपनीचे IPO शेअर्स ग्रे मार्केटमध्ये शानदार कामगिरी करत आहेत. यावरून असे कळते की, स्टॉक लिस्टिंगच्या पहिल्याच दिवशी गुंतवणूकदारांना बंपर परतावा मिळेल.

IKIO लायटिंग कंपनी IPO तपशील

IKIO लायटिंग कंपनीने आपल्या IPO शेअरची किंमत बँड 270 रुपये ते 285 रुपये प्रति इक्विटी शेअर जाहीर केली आहे. तुम्ही या IPO मध्ये 6 जून ते 8 जून पर्यंत गुंतवणूक करू शकतात. अँकर गुंतवणुकदार म्हणंजेच मोठे गुंतवणूकदार 5 जून पासून बोली लावू शकतात.

या कंपनीच्या IPO अंतर्गत 350 कोटी रुपयांपर्यंतचे फ्रेश इक्विटी शेअर्स बाजारात विकले जाणार आहेत. कंपनीचे प्रवर्तक हरदीप सिंग आणि सुरमीत कौर देखील ऑफर फॉर सेल अंतर्गत 90 लाख इक्विटी शेअर्स खुल्या बाजारात विकणार आहेत.

कंपनी आपल्या आयपीओच्या माध्यमातून 606.5 कोटी रुपये भांडवल उभारण्याचा प्रयत्न करणार आहे. IPO मधून जमा होणारे पैसे IKIO लायटिंग कंपनी कर्ज फेडीसाठी खर्च करणार आहे. यासोबत IKIO लायटिंग ही कंपनी IKIO सोल्युशन्स नावाची उपकंपनी स्थापन करून नोएडा, उत्तर प्रदेश याठिकाणी नवीन कारखाना सुरू करणार आहे.

ग्रे मार्केटमधील कामगिरी

IKIO लायटिंग कंपनीचा IPO स्टॉक ग्रे मार्केटमध्ये 75 रुपये प्रीमियम किमतीवर ट्रेड करत आहे. आणि तज्ज्ञांच्या मते या ग्रे मार्केट स्टॉक किमतीत सातत्याने वाढ पाहायला मिळत आहे. 75 रुपये च्या GMP नुसार IKIO लाइटिंग कंपनीचे शेअर्स 360 रुपये किमतीवर सूचीबद्ध होऊ शकतात.

Disclaimer | म्युच्युअल फंड आणि शेअर बाजारातील गुंतवणूक ही जोखमींवर आधारित असते.  शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.

News Title | IKIO Lighting Share Price today on 05 June 2023.