Income Tax Rules | अलिकडेच सरकारने अधिकाधिक लोकांना कराच्या जाळ्यात आणण्यासाठी इन्कम टॅक्स भरण्याची व्याप्ती वाढवली होती. जर तुम्हाला आयकर रिटर्नच्या आतापर्यंतच्या नव्या नियमांबद्दल माहिती नसेल तर आताच जाणून घ्या नाहीतर तुम्हाला तोटा होऊ शकतो. आयकराच्या नव्या नियमांनुसार आता आणखी अनेक उत्पन्न गट आणि मिळकतधारक लोकांना आयकर विवरणपत्र भरावे लागणार आहे. एप्रिल २०२२ पासून नवीन नियम लागू झाले आहेत.
असा आहे नवा नियम :
आर्थिक वर्षात ज्यांचे एकूण टॅक्स कटेड अॅट सोर्स (टीडीएस) किंवा टॅक्स कलेक्टेड अॅट सोर्स (टीसीएस) २५ हजार रुपये किंवा त्याहून अधिक असेल, त्यांना सक्तीने कर विवरणपत्र भरावे लागेल. मात्र, ज्येष्ठ नागरिकांना या प्रकरणात काहीशी सूट देण्यात आली आहे. ज्येष्ठ नागरिकांसाठी आयटीआर भरण्यासाठी एकूण टीडीएस किंवा टीसीएसची रक्कम ५० हजार रुपये किंवा त्यापेक्षा अधिक असावी.
अधिक लोकांना आयटीआर दाखल करावे लागेल:
अधिकाधिक लोकांना टॅक्स डेटा बेसमध्ये आणण्यासाठी केंद्र सरकारने आयटीआर फायलिंगची व्याप्ती वाढवली आहे. अर्थ मंत्रालयाने जारी केलेल्या अधिसूचनेनुसार, आता अधिक उत्पन्न गट आणि उत्पन्न असलेल्या लोकांना आयकर विवरणपत्र भरावे लागणार आहे.
त्यांना ITR देखील दाखल करावे लागेल :
याशिवाय ज्या व्यक्तीच्या बचत खात्यात आर्थिक वर्षात ५० लाख रुपये किंवा त्यापेक्षा अधिक रक्कम जमा असेल, अशा व्यक्तीलाही त्याच्या उत्पन्नाच्या पातळीची पर्वा न करता अनिवार्यपणे आयटीआर भरावा लागणार आहे. आयटीआर फाइल करताना काही मुद्द्यांकडे दुर्लक्ष करू नये.
महत्वाचं : तुम्हाला हा लेख/बातमी आवडली असेल तर नक्की शेअर करा आणि महाराष्ट्रनामाला फॉलो करा. तसेच शेअर बाजारातील गुंतवणुकीसंदर्भात तज्ज्ञांनी दिलेल्या सल्ल्याशी आमचा काहीही संबंध नाही. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. शेअर खरेदी/विक्री हा बाजार तज्ज्ञांचा सल्ला आहे. म्युच्युअल फंड आणि शेअर बाजारातील गुंतवणूक ही जोखमींवर आधारित असते. त्यामुळे कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
