IPO GMP | सध्या जर तुम्ही आयपीओमध्ये गुंतवणूक करून मजबूत कमाई करू इच्छित असाल तर ही बातमी तुमच्या फायद्याची आहे. आज या लेखात आपण डिफ्यूजन इंजिनिअर्स कंपनीच्या आयपीओबाबत माहिती जाणून घेणार आहोत. डिफ्यूजन इंजिनिअर्स या कंपनीचा आयपीओ 26 सप्टेंबर ते 30 सप्टेंबर 2024 दरम्यान गुंतवणुकीसाठी खुला केला जाणार आहे. ग्रे मार्केटमध्ये या कंपनीचा आयपीओ स्टॉक जबरदस्त कामगिरी करत आहे. (डिफ्यूजन इंजिनिअर्स कंपनी अंश)
ग्रे मार्केट GMP
सध्या या कंपनीचे शेअर्स ग्रे मार्केटमध्ये 77 रुपये जीएमपी किमतीवर ट्रेड करत आहे. या कंपनीच्या आयपीओ शेअर्सची इशू किंमत 168 रुपये आहे. इशू किमतीच्या तुलनेत डिफ्यूजन इंजिनिअर्स कंपनीचा आयपीओ स्टॉक 46 टक्के प्रीमियम किमतीवर ट्रेड करत आहे.
या IPO मध्ये 50 टक्के कोटा पात्र संस्थात्मक खरेदीदारांसाठी, 15 टक्के कोटा गैर-संस्थात्मक गुंतवणूकदारांसाठी आणि 35 टक्के कोटा किरकोळ गुंतवणूकदारांसाठी राखीव ठेवण्यात आला आहे. कंपनी आयपीओ मधून जमा झालेल्या पैशाचा वापर विद्यमान उत्पादन सुविधेचा प्रस्तावित विस्तार, हिंगणा येथे नवीन उत्पादन सुविधा उभारण्यासाठी, खेळत्या भांडवलाच्या गरजा पूर्ण करण्यासाठी आणि इतर सामान्य कॉर्पोरेट उद्दिष्टांची पूर्तता करण्यासाठी खर्च करणार आहे.
डिफ्यूजन इंजिनीअर्स कंपनी बद्दल
डिफ्यूजन इंजिनीअर्स ही कंपनी देशांतर्गत आणि आंतरराष्ट्रीय बाजारपेठेत आपली ग्राहकांना अभियांत्रिकी सेवा प्रदान करते. ही कंपनी जड मशिनरी आणि उपकरणांसाठी सानुकूलित दुरुस्ती आणि रिकंडिशनिंग सेवांमध्ये एक्सपर्ट मानली जाते. डिफ्यूजन इंजिनीअर्स ही कंपनी अँटी-वेअर पावडर, वेल्डिंग आणि कटिंग मशिनरी देखील बनवते. 2023-24 मध्ये या कंपनीचा ऑपरेशन्समधील एकत्रित महसूल वार्षिक आधारावर 10 टक्के वाढून 285 कोटी रुपये नोंदवला गेला होता.
याच कालावधीसाठी कंपनीचा निव्वळ नफा वार्षिक 39 टक्के वाढून 30.8 कोटी रुपये नोंदवला गेला होता. डिफ्यूजन इंजिनिअर्स कंपनीने युनिस्टोन कॅपिटल या कंपनीला बुक-रनिंग लीड मॅनेजर आणि बिगशेअर सर्व्हिसेस कंपनीला IPO चे रजिस्ट्रार म्हणून नियुक्त केले आहे.
महत्वाचं : म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
