Stock In Focus| वाढत्या महागाईचा आणि जगभरातील आर्थिक मंदीच्या भीतीमुळे भारतीय शेअर बाजारावर नकारात्मक परिणाम दिसून येत आहे. अशा स्थितीत एक प्रश्न नक्की पडतो की या अस्थिर काळात कोणत्या शेअरमध्ये गुंतवणूक करावी, आणि कोणत्या शेअर पासून लांब राहावे? या शेअर बाजारातील उलथापालथीच्या काळात स्टॉक मार्केट तज्ज्ञाची भूमिका आणि गुंतवणुकीबाबत सल्ला अत्यंत महत्त्वाचा ठरतो. गुड रिटर्नच्या अहवालात, ब्रोकरेज व्हेंचुरा सिक्युरिटीज फर्मने आपल्या अहवालात म्हंटले आहे की, पुढे येणाऱ्या काळात “IRB इन्फ्रास्ट्रक्चर डेव्हलपर्स” कंपनीच्या शेअर्समध्ये 200 टक्क्यांहून अधिक वाढ होऊ शकते.
शेअरची कामगिरी :
गुरुवारच्या ट्रेडिंग सेशनमध्ये IRB इन्फ्रास्ट्रक्चर डेव्हलपर्स कंपनीचा शेअर NSE निर्देशांकावर 2.90 टक्क्यांच्या वाढीसह 243.10 रुपये किमतीवर ट्रेड करत होता. ब्रोकरेज फर्मला आशा आहे की, या कंपनीच्या शेअरची किंमत पुढील येणाऱ्या काळात 729 रुपयांपर्यंत जाईल. गुंतवणूक तज्ज्ञ आणि एक्स्पर्टनी या शेअरला ‘बाय’ टॅग देऊन खरेदी करण्याचा सल्ला दिला आहे. व्हेंचुरा सिक्युरिटीजच्या अहवालानुसार या कंपनीचे शेअर्स पुढील 30 महिन्यांत जबरदस्त वाढ नोंदवू शकतात.
कंपनीची कामगिरी थोडक्यात :
मागील 5 वर्षात या कंपनीच्या शेअरच्या किमतीत फक्त 3.05 टक्क्यांची वाढ पाहायला मिळाली होती. त्याच वेळी, गेल्या तीन वर्षांत कंपनीमध्ये पैसे लावणाऱ्या लोकांनी 261 टक्क्यांचा परतावा कमावला आहे. वर्षभरापूर्वी ज्या लोकांनी या कंपनीचे शेअर्स खरेदी केले होते, त्यांना सध्या 0.69 टक्के तोटा झाला आहे. 2022 मध्ये IRB कंपनीच्या शेअर्सच्या किमतीत 9.63 टक्क्यांची वाढ पाहायला मिळाली होती. NSE निर्देशांकावर या कंपनीच्या शेअरची 52 आठवड्यांची उच्चांक पातळी किंमत 345.85 रुपये आहे. कंपनीचा मुख्य व्यवसाय महामार्ग बांधकाम आणि देखरेख संबंधित आहे. IRB इन्फ्रास्ट्रक्चरचे मुख्यालय मुंबई शहरात आहे.
महत्वाचं : तुम्हाला हा लेख/बातमी आवडली असेल तर नक्की शेअर करा आणि महाराष्ट्रनामाला फॉलो करा. तसेच शेअर बाजारातील गुंतवणुकीसंदर्भात तज्ज्ञांनी दिलेल्या सल्ल्याशी आमचा काहीही संबंध नाही. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. शेअर खरेदी/विक्री हा बाजार तज्ज्ञांचा सल्ला आहे. म्युच्युअल फंड आणि शेअर बाजारातील गुंतवणूक ही जोखमींवर आधारित असते. त्यामुळे कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
