ITR Filing | आर्थिक वर्ष २०२२-२३ (आर्थिक वर्ष २०२३) म्हणजेच कर निर्धारण वर्ष २०२३-२४ साठी प्राप्तिकर विवरणपत्र भरण्याची अंतिम मुदत जवळ आली आहे. इन्कम टॅक्स डिपार्टमेंट लोकांना डेडलाइनची वाट पाहू नका आणि विनाविलंब तात्काळ आयटीआर फाईल करा, असं सतत सांगत असतं. सध्या आयटीआर भरण्याची अंतिम मुदत जवळ येतं आहे. तसेच मुदत वाढविण्याची शाश्वती नसते . जर केंद्र सरकारने मुदत वाढवली नाही तर तुम्हाला दंड भरावा लागू शकतो.
विलंब केल्यास मोठं आर्थिक नुकसान होईल
तुम्ही आयटीआर भरला नसेल तर हे काम विनाविलंब पूर्ण करत जा. आयटीआर दाखल करणे बर् याच प्रकरणांमध्ये फायदेशीर आहे आणि ते दाखल न करणे काही प्रसंगी त्रासदायक ठरू शकते. आजच्या काळात अशी अनेक महत्त्वाची आर्थिक कामं आहेत, ज्यात इन्कम टॅक्स रिटर्नची मागणी केली जाते. तुम्ही जर सतत वेळेवर आयटीआर फाईल केलं असेल, तर तुम्हाला त्यांचा फायदा मिळतो, तर आयटीआर फाइलिंग चुकवल्यानं बऱ्यापैकी नुकसान होतं. अनेक वेळा त्याशिवाय काही काम अपूर्ण राहते.
ही कागदपत्रे आधीच तयार ठेवा
आयटीआर दाखल करण्यासाठी तुम्हाला आयकर विभागाच्या https://www.incometax.gov.in/iec/foportal वेबसाईटवर युजर आयडी आणि पासवर्डच्या मदतीने लॉगइन करावं लागेल. इन्कम टॅक्स रिटर्न (आयटीआर) भरण्यासाठी तुम्हाला पॅन कार्ड, आधार कार्ड, बँक खाते क्रमांक, गुंतवणुकीचा तपशील आणि फॉर्म १६ किंवा फॉर्म २६ एएसची आवश्यकता असेल. यावेळी आयकर विभागाने एआयएससोबत डेटा जुळवणे बंधनकारक केले आहे. नंतर आयकर विभागाने तुम्हाला नोटीस देऊ नये, त्यामुळे एआयएस आधीच डाऊनलोड करा.
जर तुमचे वार्षिक उत्पन्न अडीच लाख रुपयांपेक्षा जास्त असेल, तरीही तुम्ही आयकर विवरणपत्र भरत नसाल, तर त्यासाठी तुम्हाला दंड भरावा लागू शकतो. याशिवाय तुम्हाला इतर समस्यांचाही सामना करावा लागू शकतो. त्यामुळे ३१ जुलैपर्यंत इन्कम टॅक्स रिटर्न्स भरा.
इन्कम टॅक्स रिटर्न भरण्याचे हे आहेत 7 फायदे
१. विकसित देशांच्या व्हिसासाठी आयटीआर आवश्यक .
२. सर्वात स्वीकार्य उत्पन्नाचा पुरावा म्हणजे आयटीआर.
३. आयटीआर भरून कर परतावा मिळू शकतो.
४. बँकेचे कर्ज मिळणे सोपे आहे.
५. व्यवसाय सुरू करण्यासाठी आयटीआर आवश्यक आहे.
६. अधिक विमा संरक्षण हवे असल्यास आयटीआरही आवश्यक आहे.
७. आयटीआर अॅड्रेस प्रूफमध्येही काम करते.
महत्वाचं : तुम्हाला हा लेख/बातमी आवडली असेल तर नक्की शेअर करा आणि महाराष्ट्रनामाला फॉलो करा. तसेच शेअर बाजारातील गुंतवणुकीसंदर्भात तज्ज्ञांनी दिलेल्या सल्ल्याशी आमचा काहीही संबंध नाही. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. शेअर खरेदी/विक्री हा बाजार तज्ज्ञांचा सल्ला आहे. म्युच्युअल फंड आणि शेअर बाजारातील गुंतवणूक ही जोखमींवर आधारित असते. त्यामुळे कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
