New Labour Codes | 1 जुलैचा तुमच्या पगारावर, सुट्टीवर, कामाच्या तासांवर मोठा परिणाम होणार | जाणून घ्या

New Labour Codes | केंद्र सरकारची नवी लेबर कोड एक जुलैपासून लागू होण्याची शक्यता आहे. नवीन लेबर कोड लागू झाल्यास कामाचे तास वाढून 12 होतील. यामुळे तुम्हाला आठवड्यातील फक्त 4 दिवस ऑफिसमध्ये जावं लागणार आहे. याचा अर्थ असा आहे की ज्या कर्मचाऱ्यांना आठवड्यातून ३ दिवस साप्ताहिक सुट्टी घेण्याची इच्छा आहे त्याला कामाच्या दिवशी जास्त तास काम करावे लागेल.

नव्या लेबर कोडचा हा परिणाम आहे.

कामाचे तास :
नियमित कामाचे तास सध्या दिवसातून ९ तास ते १२ तासांपर्यंत असू शकतात. जर एखाद्या कंपनीने 12 तासांच्या शिफ्टचा पर्याय निवडण्याचा निर्णय घेतला तर कामाचे दिवस आठवड्यातून 4 दिवसांपर्यंत मर्यादित ठेवावे लागतील आणि 3 अनिवार्य सुट्ट्या असतील. एकंदरीत, आठवड्याचे एकूण कामाचे तास 48 तासांवर कायम राहतील.

सुट्ट्या :
पूर्वीच्या कायद्यानुसार रजा मागण्यासाठी वर्षातून किमान २४० कामकाजाचे दिवस काम करणे आवश्यक होते. आता ते कमी करून १८० कामकाजाचे दिवस केले जातील.

पीएफ वाढणार, टेक-होम सॅलरी कमी होणार :
कर्मचारी आणि नोकरदारांच्या पीएफ योगदानात वाढ झाल्याने टेक-होम सॅलरी कमी होणार आहे. नवीन संहितेनुसार, भविष्य निर्वाह निधीचे योगदान एकूण पगाराच्या 50% च्या प्रमाणात असणे आवश्यक आहे.

केंद्रीय कामगार मंत्रालयाच्या जाहीर माहितीनुसार :
केंद्रीय कामगार मंत्रालयाने या वर्षी मार्चमध्ये जाहीर केलेल्या माहितीनुसार, २७, २३, २१ आणि १८ राज्ये/केंद्रशासित प्रदेशांनी वेतन संहिता, सामाजिक सुरक्षा संहिता, औद्योगिक संबंध संहिता आणि व्यावसायिक सुरक्षा संहिता अंतर्गत नियमांचा मसुदा आधीच प्रकाशित केला आहे. या चार संहिता अमलात आणाव्या लागतात. कामगार हे राज्यघटनेच्या समवर्ती सूचीत मोडत असल्याने केंद्र व राज्य सरकार या दोन्ही सरकारांनी केंद्रीय कायद्याच्या अंमलबजावणीसाठी नियमावली करणे आवश्यक आहे.

पगार देण्याचेही नियम :
पगारासाठी मुदत लेबर कोडमध्ये पूर्ण आणि अंतिम वेतन देण्याचेही नियम आहेत. या संहितेत (संसदेने पारित केलेल्या) असे म्हटले आहे की, संघटनेतून बाहेर पडणाऱ्या कर्मचाऱ्याला त्याची हकालपट्टी, बडतर्फी, पदत्याग किंवा राजीनामा दिल्याच्या दोन दिवसांच्या आत वेतन देणे आवश्यक आहे. सध्या, सर्व राज्यांच्या कायद्यांमध्ये कामकाजाच्या दोन दिवसांची अंतिम मुदत निश्चित करण्यासाठी “राजीनामा” समाविष्ट नाही.

महत्वाचं : तुम्हाला हा लेख/बातमी आवडली असेल तर नक्की शेअर करा आणि महाराष्ट्रनामाला फॉलो करा. तसेच शेअर बाजारातील गुंतवणुकीसंदर्भात तज्ज्ञांनी दिलेल्या सल्ल्याशी आमचा काहीही संबंध नाही. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. शेअर खरेदी/विक्री हा बाजार तज्ज्ञांचा सल्ला आहे. म्युच्युअल फंड आणि शेअर बाजारातील गुंतवणूक ही जोखमींवर आधारित असते. त्यामुळे कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.

News Title: New Labour Codes will be implement from 1 July check details 30 June 2022.