LIC Credit Card | भारतातील विश्वासू विमा कंपनी लाइफ इन्शुरन्स कॉर्पोरेशनने (एलआयसी) आयडीएफसी फर्स्ट बँक आणि मास्टरकार्डसोबत मिळून ब्रँडेड क्रेडिट कार्ड बाजारात आणले आहे. हे क्रेडिट कार्ड आपल्या युजर्सना अनेक फायदे देत आहे. इंडियन लाइफ इन्शुरन्स कंपनीने याबाबत माहिती दिली आहे. आज आम्ही तुम्हाला या फायद्यांविषयी सांगणार आहोत.
वार्षिक मेंटेनन्स चार्जेस द्यावे लागणार नाहीत
या क्रेडिट कार्डसाठी तुम्हाला वार्षिक मेंटेनन्स चार्जेस द्यावे लागणार नाहीत. यातून तुम्हाला अनेक फायदे मिळतील आणि त्यावर कमी व्याजदरही मिळत आहे. त्यांच्याविषयी सविस्तर माहिती आम्ही तुम्हाला देत आहोत.
LIC क्रेडिट कार्डचे खास फायदे
एलआयसीसोबत भागीदारीत जारी करण्यात आलेल्या या क्रेडिट कार्डमध्ये तुम्हाला अनेक फायदे मिळतील. एलआयसीने याबाबत माहिती दिली आहे की, जर तुम्ही या क्रेडिट कार्डमधून विमा हप्ता भरला असेल तर तुम्हाला रिवॉर्ड पॉईंट्सही मिळतील. याशिवाय कार्डधारकाला ५ लाख रुपयांचा मोफत अपघाती विमाही दिला जात आहे.
कार्ड कोणीही घेऊ शकतं
हे कार्ड कोणीही घेऊ शकतं, कारण त्यावर जॉईनिंग किंवा वार्षिक शुल्क नाही. म्हणजेच त्यावर तुम्हाला कोणतेही मेंटेनन्स चार्ज भरावे लागत नाहीत. या क्रेडिट कार्डवरील व्याजदर वार्षिक केवळ ९ टक्के असेल, जो इतर क्रेडिट कार्डच्या तुलनेत खूपच कमी असल्याचे सांगितले जात आहे.
क्रेडिट कार्डचे दोन प्रकार
या दरम्यान लाइफ इन्शुरन्स कॉर्पोरेशनने दोन प्रकारचे क्रेडिट कार्ड लाँच केले आहेत. यामध्ये तुम्हाला एलआयसी क्लासिक क्रेडिट कार्ड आणि एलआयसी सिलेक्ट क्रेडिट कार्ड दिले जात आहे. जर तुम्ही हे क्रेडिट कार्ड वापरत असाल तर एलआयसीचा प्रीमियम भरताना तुम्हाला प्रत्येकवेळी रिवॉर्ड पॉईंट्स मिळतील, जे तुम्ही रिडीम करून त्याचा फायदा घेऊ शकता.
एलआयसीकडे सध्या २७ कोटींहून अधिक पॉलिसीधारक आहेत. याशिवाय क्रेडिट कार्ड हरवल्यास 50,000 रुपयांचे लायबिलिटी कव्हर आणि अपघात झाल्यास 5 लाख रुपयांपर्यंतवैयक्तिक अपघाती विमा संरक्षण देखील आहे.
जबरदस्त रिवॉर्ड पॉईंट्स मिळतील
या क्रेडिट कार्डने ऑनलाइन शॉपिंग केल्यास त्यावर रिवॉर्ड पॉईंट्सही दिले जात आहेत. ज्यांना वारंवार प्रवास करावा लागतो किंवा त्यांना प्रवास करायला आवडतो त्यांच्यासाठीही हे क्रेडिट कार्ड खास उपयुक्त आहे.
लाउंज अॅक्सेस देखील उपलब्ध आहे
या भारतीय आयुर्विम्याने जारी केलेल्या क्रेडिट कार्डसोबत तुम्हाला लाउंज अॅक्सेसही मिळतो. जर तुम्ही कुठेही जात असाल तर एलआयसी क्रेडिट कार्डद्वारे विमानतळ आणि रेल्वे स्थानकांवर मोफत लाउंज अॅक्सेस देखील मिळू शकतो. या क्रेडिट कार्डद्वारे तुम्हाला 1399 रोडसाइड व्हेइकल असिस्टंट मिळतात तसेच इंधनावर एक टक्का सवलतीचा फायदा मिळतो.
भारतीय आयुर्विमा महामंडळ जगातील पहिल्या पाच विमा कंपन्यांमध्ये आहे. या कंपनीचे बाजार भांडवल ५.०८ ट्रिलियन आहे. त्याचबरोबर या कंपनीचे शेअर्सही जबरदस्त परफॉर्मन्स देत असून गेल्या 6 महिन्यांत आपल्या गुंतवणूकदारांना 30 टक्क्यांपर्यंत उत्तम परतावा दिला आहे.
Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
