Multibagger Stocks | वी विन लिमिटेड कंपनीच्या शेअर्समध्ये मागील काही दिवसापासून जबरदस्त तेजी पाहायला मिळत आहे. कालच्या ट्रेडिंग सेशनमध्ये वी विन लिमिटेड कंपनीचे शेअर्स 5 टक्के वाढीसह 73.50 रुपये किमतीवर ट्रेड करत होते. तर आज देखील या कंपनीचे शेअर्स मजबूत वाढीसह क्लोज झाले आहेत.
वी विन लिमिटेड कंपनीच्या शेअर्समध्ये वाढ होण्याचे मुख्य कारण म्हणजे, नुकताच या कंपनीला एक मोठी ऑर्डर मिळाली आहे. आज बुधवार दिनांक 20 डिसेंबर 2023 रोजी वी विन लिमिटेड कंपनीचे शेअर्स 4.99 टक्के वाढीसह 76.85 रुपये किमतीवर क्लोज झाले आहेत.
उत्तर प्रदेश राज्य सरकारने मुख्यमंत्री सहाय्यता हेल्पलाइनची स्थापना आणि संचालन करण्याची ऑर्डर वी विन लिमिटेड कंपनीला दिली आहे. त्यामुळे या नॉन-इमर्जन्सी इंटिग्रेटेड सर्व्हिस प्रोव्हायडर कंपनीचे शेअर्स तेजीत आले आहेत.
स्टॉक एक्सचेंज फाइलिंगनुसार वी विन लिमिटेड कंपनीला उत्तर प्रदेश डेव्हलपमेंट सिस्टम्स कॉर्पोरेशन लिमिटेड कंपनीने उत्तर प्रदेश राज्यात मुख्यमंत्री सहाय्यता हेल्पलाइन सुरू करण्याची आणि त्यांचे संचालन करण्याची ऑर्डर दिली आहे. या ऑर्डर अंतर्गत कंपनीला कॉल सेंटर एजन्सीची निवड करायची आहे. या ऑर्डरचा एकूण कालावधी चार वर्षा असून तो पुढे जाऊन दोन वर्षांनी वाढवता ही येणार आहे. या ऑर्डर चे एकूण मुल्य 110.61 कोटी रुपये आहे.
वी विन लिमिटेड या कंपनीचे एकूण बाजार भांडवल 74.68 कोटी रुपये आहे. मागील सहा महिन्यांत वी विन लिमिटेड कंपनीच्या शेअरने आपल्या गुंतवणूकदारांना 93 टक्के परतावा कमावून दिला आहे. तर मागील एका वर्षात या कंपनीच्या शेअर्सने आपल्या गुंतवणुकदारांना 54 टक्के नफा कमावून दिला आहे. वार्षिक आधारे वी विन लिमिटेड कंपनीने 17 टक्क्यांच्या वाढीसह 48.79 कोटी रुपये महसूल संकलित केला आहे. त्याच कालावधीत कंपनीने 14 टक्क्यांच्या वाढीसह 2.40 कोटी रुपये निव्वळ नफा कमावला आहे.
वी विन लिमिटेड ही कंपनी कॉल सेंटर आणि सपोर्ट सेंटर सेवांसह ग्राहक संबंध व्यवस्थापन सेवा प्रदान करणारी आउटसोर्सिंग कंपनी आहे. ही कंपनी लीड जनरेशन, संपर्क केंद्र, ई-कॉमर्स व्यवस्थापन आणि एआय ऑपरेशन्स संबंधित सेवा प्रदान करण्याचा व्यवसाय करते. ही कंपनी आपल्या सेवांच्या विक्रीतून 98 टक्के आणि इतर व्यवसायातून 2 टक्के कमाई करते.
महत्वाचं : म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
