NCC Share Price | मंगळवारच्या ट्रेडिंग सेशनमध्ये एनसीसी कंपनीचे शेअर्स 2.9 टक्क्यांच्या वाढीसह 123.20 रुपये किंमत पातळीवर ट्रेड करत होते. आज बुधवार दिनांक 3 मे 2023 रोजी या कंपनीचे शेअर्स 0.41 टक्के वाढीसह 123.10 रुपये किमतीवर ट्रेड करत आहेत. NCC लिमिटेड कंपनीच्या शेअरची 52 आठवड्यांची उच्चांक पातळी किंमत 126.90 रुपये होती.
NCC कंपनीच्या शेअर्समध्ये ही अचानक वाढ एक नवीन कार्यादेश प्राप्त झाल्याने होत आहे. रेखा झुनझुनवाला यांनीही NCC लिमिटेड कंपनीमध्ये मोठी गुंतवणूक केली आहे. NCC कंपनीला 3344 कोटी रुपये मूल्याची वर्क ऑर्डर प्राप्त झाली आहे. 2 मे 2023 रोजी कंपनीने सेबीला कळवले होते की, कंपनीला 6 वर्क ऑर्डर मिळाल्या असून त्यांचे मूल्य 3344 कोटी रुपये आहे.
या 6 ऑर्डरपैकी 3 ऑर्डरचे मूल्य 2506 कोटी रुपये आहे. हे तिन्ही काँट्रॅक्ट बांधकामाशी संबंधित आहेत. NCC कंपनीला इलेक्ट्रिक प्रकल्पासाठी 538 कोटी रुपये दोन ऑर्डर आणि 300 कोटी रुपयांच्या पाणी विभागासाठी एक ऑर्डर देण्यात आली आहे.
NCC कंपनीच्या शेअरहोल्डिंग पॅटर्ननुसार दिवंगत गुंतवणुकदार राकेश झुनझुनवाला यांच्या पत्नी रेखा झुनझुनवाला यांनी NCC कंपनीत मोठी गुंतवणुक केली आहे. मार्च 2023 पर्यंत या कंपनीचे 13.09 टक्के भाग भांडवल रेखा झुनझुनवाला यांनी धारण केले आहे. NCC लिमिटेड ही कंपनी मुख्यतः पायाभूत सुविधा क्षेत्रात काम करते. NCC लिमिटेड कंपनी रस्ते, व्यावसायिक इमारती, पाणीपुरवठा, खाणकाम, वीज पारेषण इत्यादी विकास संबंधित सेवा देखील प्रदान करते.
महत्वाचं : तुम्हाला हा लेख/बातमी आवडली असेल तर नक्की शेअर करा आणि महाराष्ट्रनामाला फॉलो करा. तसेच शेअर बाजारातील गुंतवणुकीसंदर्भात तज्ज्ञांनी दिलेल्या सल्ल्याशी आमचा काहीही संबंध नाही. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. शेअर खरेदी/विक्री हा बाजार तज्ज्ञांचा सल्ला आहे. म्युच्युअल फंड आणि शेअर बाजारातील गुंतवणूक ही जोखमींवर आधारित असते. त्यामुळे कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
