Rattan Power Share Price | रतन इंडिया पॉवर कंपनीच्या शेअर्समध्ये अफाट तेजी पाहायला मिळाली आहे. एका महिन्याभरापूर्वी या कंपनीचे शेअर्स 9.20 रुपये किमतीवर ट्रेड करत होते. तर आता हा स्टॉक 19 रुपये किमतीवर पोहचला आहे. ( रतन इंडिया पॉवर कंपनी अंश )
अवघ्या एका महिन्यात रतन इंडिया पॉवर कंपनीच्या शेअर्सने आपल्या गुंतवणूकदारांचे पैसे 105 टक्के वाढवले आहेत. जर तुम्ही एका महिन्यापूर्वी रतन इंडिया पॉवर स्टॉकमध्ये 1 लाख रुपये लावले असते तर आज तुमच्या गुंतवणुकीचे मूल्य 2.05 लाख रुपये झाले असते. शुक्रवार दिनांक 31 मे 2024 रोजी रतन इंडिया पॉवर स्टॉक 4.93 टक्के वाढीसह 19.15 रुपये किमतीवर क्लोज झाले होते.
मागील पाच दिवसांपैकी सलग चार दिवस रतन इंडिया पॉवर स्टॉकने 20 टक्के अप्पर सर्किट हीट केला होता. मागील एका वर्षात या कंपनीच्या शेअर्सने आपल्या गुंतवणुकदारांना 464 टक्के परतावा कमावून दिला आहे. जर तुम्ही एका वर्षभरापूर्वी रतन इंडिया कंपनीचे शेअर्स 2.35 रुपये किमतीवर असताना 1 लाख रुपये लावून खरेदी केले असते तर आज तुमच्या गुंतवणुकीचे मूल्य 5.65 लाख रुपये झाले असते.
रतन इंडिया पॉवर कंपनीच्या शेअर्सची 52 आठवड्यांची उच्चांक किंमत पातळी 19.15 रुपये होती. तर नीचांक किंमत पातळी 3.15 रुपये होती. मार्च 2024 तिमाहीपर्यंत रतन इंडिया पॉवर कंपनीच्या प्रवर्तकांनी कंपनीचे 44.06 टक्के भाग भांडवल धारण केले होते. यापैकी 88.65 टक्के शेअर्स प्रवर्तकांनी गहाण ठेवले आहेत.
डिसेंबर 2023 तिमाहीत परकीय गुंतवणूकदारांनी या कंपनीचे 0.76 टक्के भाग भांडवल धारण केले होते. हे प्रमाण मार्च तिमाहीत 2.04 टक्क्यांवर पोहचले आहे. देशांतर्गत संस्थात्मक गुंतवणूकदारांची या कंपनीमधील होल्डिंग्स 0.09 टक्के वरून वाढून 0.11 टक्के नोंदवली गेली आहे.
महत्वाचं : म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
