Reliance Power Share Price | रिलायन्स पॉवर कंपनीच्या शेअरमध्ये कमालीची चढ उतार पाहायला मिळत आहे. गुरुवारच्या ट्रेडिंग सेशनमध्ये रिलायन्स पॉवर कंपनीचे शेअर्स 13.22 टक्क्यांच्या वाढीसह 13.70 रुपये किमतीवर क्लोज झाले होते. रिलायन्स पॉवर कंपनीचे शेअर्स सध्या 9.05 रुपये या आपल्या 52 आठवड्यांच्या नीचांक किंमत पातळीच्या 51.38 टक्के पेक्षा जास्त किमतीवर ट्रेड करत आहेत.
सध्या शेअरची किंमत
सध्या शेअरची किंमत आपल्या 24.95 रुपये या वार्षिक उच्चांक किमतीच्या तुलनेत 45.09 टक्के कमी आहे. मागील वर्षी 6 सप्टेंबर रोजी रिलायन्स पॉवर कंपनीचे शेअर्स 24.95 रुपये या उच्चांक उच्चांक किमतीवर ट्रेड करत होते. आज शुक्रवार दिनांक 26 मे 2023 रोजी या कंपनीचे शेअर्स 7.78 टक्के वाढीसह 13.85 रुपये किमतीवर ट्रेड करत आहेत.
शेअरची कामगिरी :
अनिल अंबानीं यांच्या मालकीच्या रिलायन्स पॉवर कंपनीचे शेअर 2023 मध्ये 7.68 टक्क्यांनी कमजोर झाले होते. मागील वर्षी या कंपनीचे शेअर्स 12.15 टक्क्यांनी मजबूत झाले होते. या कंपनीच्या शेअरने मागील तीन महिन्यांत शेअर धारकांना 27 टक्के नफा कमावून दिला आहे.
मागील एक महिनाचा परतावा
रिलायन्स पॉवर कंपनीचा मागील एक महिनाचा आणि एका आठवड्याचा परतावा देखील सकारात्मक आहे. मे 2008 मध्ये रिलायन्स पॉवर कंपनीचे शेअर्स 275 रुपये किमतीवर ट्रेड करत होते. या कंपनीचे एकूण बाजार भांडवल 4800 कोटी रुपये आहे.
स्टॉक मधील तेजीचे कारण म्हणजे रिलायन्स पॉवर कंपनीने आपली उपकंपनी विदर्भ इंडस्ट्रीज पॉवर लिमिटेडच्या कर्जदारांना 1,200 कोटी रुपये मूल्याची वनटाइम सेटलमेंट ऑफर जाहीर केली होती. यानंतर सेबीने रिलायन्स पॉवर कंपनीकडून स्पष्टीकरण मागितले होते.
प्रत्युत्तरात रिलायन्स पॉवर कंपनीने ही माहिती फेटाळून लावली होती. असा कोणताही निर्णय कंपनीने घेतला नसल्याची माहिती कंपनीने दिली आहे. यासोबत कंपनीने शेअरच्या वाढत्या किमतीवर कोणतेही भाष्य करू शकत नाही, असे म्हंटले आहे.
तज्ञांचे मत :
अलिकडेच रिलायन्स पॉवर कंपनीचे शेअर 11 रुपये किमतीच्या खाली घसरले होते. आता स्टॉक मध्ये मोठ्या प्रमाणात सुधारणा पाहायला मिळत आहे. पुढील काळात या कंपनीचे शेअर्स 17-18 रुपये किंमत स्पर्श करू शकतात, असे तज्ञांनी म्हंटले आहे. Tips2trades फर्मच्या मते अल्पावधीत रिलायन्स पॉवर कंपनीचे शेअर्स 14-15 रुपये किंमत स्पर्श करू शकतात.
महत्वाचं : म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
