Reliance Share Price | आज लोकसभा निवडणुकीचे निकाल जाहीर होत आहेत. आणि भारतीय शेअर बाजारात जबरदस्त अस्थिरता वाढली आहे. गौतम अदानी आणि मुकेश अंबानी यांच्या कंपन्यांच्या शेअर्सला सर्वाधिक धक्का बसला आहे. मुकेश अंबानींच्या रिलायन्स इंडस्ट्रीज कंपनीचे शेअर्स अक्षरशः कोसळले आहेत. ( रिलायन्स इंडस्ट्रीज कंपनी अंश )
सोमवारी रिलायन्स इंडस्ट्रीज स्टॉक 5 टक्क्यांच्या वाढीसह 3029 रुपये किमतीवर ट्रेड होते. तर आज मंगळवार दिनांक 4 जून 2024 रोजी रिलायन्स इंडस्ट्रीज स्टॉक 10.00 टक्के घसरणीसह 2,718.60 रुपये किमतीवर ट्रेड करत आहेत.
कालच्या ट्रेडिंग सेशनमध्ये रिलायन्स इंडस्ट्रीज कंपनीच्या शेअर्सने 3029.90 रुपये ही आपली 52 आठवड्यांची उच्चांक किंमत पातळी स्पर्श केली होती. रिलायन्स इंडस्ट्रीज कंपनीचे एकूण बाजार भांडवल 20 लाख कोटी रुपये आहे. रिलायन्स इंडस्ट्रीज कंपनीचा सापेक्ष सामर्थ्य निर्देशांक 63 अंकावर आहे. जून महिन्याच्या सुरुवातीला रिलायन्स इंडस्ट्रीज कंपनीच्या शेअर्सने चांगली कामगिरी केली होती.
एप्रिल 2024 मध्ये रिलायन्स इंडस्ट्रीज कंपनीचे शेअर्स 1.3 टक्क्यांनी घसरले होते. तर मे महिन्यात रिलायन्स इंडस्ट्रीज स्टॉक 2.5 टक्क्यानी घसरला होता. रिलायन्स इंडस्ट्रीज कंपनीचे शेअर्स जानेवारीमध्ये 10 टक्के, फेब्रुवारीमध्ये 2.4 टक्के आणि मार्चमध्ये 1.7 टक्के वाढले होते. शेअर बाजारातील तज्ञांच्या मते, रिलायन्स इंडस्ट्रीज स्टॉक पुढील काळात 3260 रुपये किंमत स्पर्श करू शकतो. तज्ञांनी हा स्टॉक खरेदी करताना 2960 रुपये किमतीवर स्टॉप लॉस लावण्याचा सल्ला दिला आहे.
महत्वाचं : म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
