Reliance Share Price | भारत आणि आशियातील सर्वात मोठे अब्जाधीश मुकेश अंबानी यांची कंपनी रिलायन्स इंडस्ट्रीजच्या शेअरने आज उच्चांकी पातळी गाठली. दिवसभरात तो 3.5 टक्क्यांनी वधारून 2995 रुपयांवर पोहोचला. त्याची 52 आठवड्यांची उच्चांकी पातळी 3,024.80 रुपये आहे. कंपनीचा शेअर 4 मार्च रोजी या पातळीवर पोहोचला होता.
गोल्डमन सॅक्सने रिलायन्सच्या शेअरवर ‘बाय’ रेटिंग कायम ठेवत टार्गेट प्राइस 2,925 रुपयांवरून 3,400 रुपये केले आहे. यामुळे कंपनीच्या शेअर्समध्ये बुधवारी तेजी पाहायला मिळत आहे. बुधवारी शेअर 3.62 टक्क्यांच्या वाढीसह 2988.50 रुपयांवर व्यवहार करत होता. तर गुरुवारी 0.52 टक्क्याने घसरून 2,970.30 रुपयांवर क्लोज झाला होता.
रिलायन्सचा शेअर बीएसईवर मागील सत्रात 2884.15 रुपयांवर बंद झाला आणि आज 2899.65 रुपयांवर उघडला. गोल्डमन सॅक्सने आपल्या शेअर रिव्ह्यू नोटमध्ये म्हटले आहे की, रिलायन्सचे रिस्क-टू-रिवॉर्ड रेशो अजूनही अनुकूल आहे. हा शेअर 52 आठवड्यांच्या उच्चांकी पातळीवर पोहोचला आहे. गोल्डमन सॅक्सचे म्हणणे आहे की, 2024 ते 2026 या आर्थिक वर्षांच्या दरम्यान कंपनीचा एबिटा वार्षिक 17 टक्के दराने वाढू शकतो.
कंपनीची कामगिरी
रिलायन्सचा शेअर सध्या 50 दिवस आणि 200 दिवसांच्या मूव्हिंग एव्हरेजच्या वर ट्रेड करत आहे. मोमेंटम इंडिकेटरनुसार त्यात लक्षणीय वाढ होऊ शकते. मार्केट कॅपनुसार देशातील सर्वात मोठी कंपनी असलेल्या रिलायन्सचा निव्वळ नफा डिसेंबर तिमाहीत 9.3 टक्क्यांनी वाढून 17,265 कोटी रुपये झाला आहे. कंपनीचे कामकाजातून मिळणारे एकत्रित उत्पन्न 3.6 टक्क्यांनी वाढून 2.28 लाख कोटी रुपये झाले आहे. तिमाही आधारावर कंपनीचा नफा 0.7 टक्के तर महसूल सुमारे तीन टक्क्यांनी घटला आहे.
Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
