RVNL Share Price | रेल विकास निगम लिमिटेड कंपनीच्या शेअरमध्ये आज किंचित विक्रीचा दबाव पाहायला मिळत आहे. नुकताच आलेल्या बातमीनुसार रेल विकास निगम लिमिटेड कंपनीला आणखी एक 100 कोटी रुपये मूल्याची ऑर्डर मिळाली आहे. या बातमीमुळे कालच्या ट्रेडिंग सेशनमध्ये रेल विकास निगम लिमिटेड कंपनीचे शेअर्स तेजीत आले होते. (Rail Vikas Nigam Share Price)
मात्र आज स्टॉकमध्ये प्रॉफिट बुकींग पाहायला मिळत आहे. मंगळवारी रेल्वे विकास निगम कंपनीचे शेअर्स 2 टक्क्यांच्या वाढीसह ट्रेड करत होते. 1 ऑगस्ट 2023 रोजी रेल विकास निगम कंपनीचे शेअर्स 125.80 रुपये किंमत पातळीवर ट्रेड करत होते. काही वेळातच या कंपनीचे शेअर्स 126.55 रुपये किमत पातळीवर पोहोचले होते. आज बुधवार दिनांक 2 ऑगस्ट 2023 रोजी रेल विकास निगम लिमिटेड कंपनीचे शेअर्स 0.80 टक्के घसरणीसह 124.10 रुपये किमतीवर ट्रेड करत आहेत.
RVNL शेअर किंमत :
31 जुलै 2023 रोजी सेबीला दिलेल्या माहितीत रेल विकास निगम कंपनीने कळवले आहे की, त्यांना जबलपूर कंपनी परिसरात 2 नवीन कॉन्ट्रॅक्ट मिळाले आहे. एका कॉन्ट्रॅक्टचे मूल्य 149 कोटी रुपये आहे. तर इतर कामाचे मूल्य 181 कोटी रुपये आहे. मागील आठवड्यातच रेल विकास निगम कंपनीला 1000 कोटी रुपये मूल्याची ऑर्डर मिळाली होती.
रेल विकास निगम लिमिटेड कंपनीने ऑफर फॉर सेल अंतर्गत आपले शेअर्स खुल्या बाजारात विकले होते. या ऑफर फॉर सेलच्या माध्यमातून भारत सरकारने रेल विकास निगम कंपनीमधील भाग भांडवल कमी केले आहे. रेल विकास निगम कंपनीच्या ऑफर फॉर सेलमध्ये शेअरची किंमत प्रति शेअर 119 रुपये जाहीर करण्यात आली होती.
शेअर बाजारात रेल विकास निगम लिमिटेड कंपनीने जबरदस्त कामगिरी केली आहे. मागील 6 महिन्यांत, रेल विकास निगम कंपनीच्या शेअरने आपल्या गुंतवणूकदारांना 68.16 टक्के नफा कमावून दिला आहे. तर मागील एका महिन्यात कंपनीच्या शेअरने लोकांना फक्त 1.85 टक्के वाढ नोंदवली आहे. ज्या गुंतवणूकदाराने एक वर्षापूर्वी RVNL कंपनीचे शेअर्स खरेदी केले होते, त्यांच्या गुंतवणुकीचे मूल्य 300.32 टक्के वाढले आहेत.
महत्वाचं : म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
