SBI Car Loan Interest Rate | देशातील सर्वात मोठी बँक ग्राहकांना आकर्षक दर, सवलती आणि सोप्या अटींवर कार लोन देत आहे. एसबीआय क्रेडिट स्कोअरच्या आधारे नवीन ग्राहकांना व्याज दर देत आहे. याशिवाय प्रोसेसिंग फी आणि प्रीपेमेंटबाबत बँकेने अतिशय सोपे नियम केले आहेत. ज्यामुळे ग्राहकांना वेळेपूर्वी कर्ज फेडणे किफायतशीर आणि सोपे जाते.
प्रोसेसिंग फी शून्य, प्रीपेमेंट चार्ज नाही
एसबीआयच्या वेबसाइटवर उपलब्ध ताज्या माहितीनुसार, बँकेच्या ‘फेस्टिव्ह धमाका’ योजनेअंतर्गत 31 जानेवारी 2024 पर्यंत कार लोनवर प्रोसेसिंग फी भरावी लागणार नाही. याशिवाय कर्जाच्या प्रीपेमेंटवर कोणतेही शुल्क आकारले जाणार नाही. त्याचबरोबर कर्ज वाटपाच्या 1 वर्षानंतर बँक ग्राहकांकडून फोरक्लोजरवर कोणतेही शुल्क आकारणार नाही.
एसबीआयच्या म्हणण्यानुसार, तुम्ही कमीत कमी 3 वर्षे आणि जास्तीत जास्त 7 वर्षांसाठी कार लोन घेऊ शकता. बँक ‘ऑन रोड प्राइस’वर कर्जाची सुविधा देऊ शकते. ऑन-रोड किमतीत नोंदणी आणि विमा या दोन्हींचा समावेश आहे. बँक ऑन-रोड किमतीच्या ९० टक्क्यांपर्यंत कर्ज देऊ शकते.
बँकेच्या कार लोनची खासियत म्हणजे रोजच्या कमी होणाऱ्या बॅलन्सवर व्याजाची गणना केली जाईल. एसबीआयच्या कार लोन स्कीममध्ये अॅडव्हान्स ईएमआय मिळणार नाही. याशिवाय एसबीआय लाइफ इन्शुरन्स कव्हरची पर्यायी सुविधा मिळणार आहे.
ताजे व्याजदर काय आहेत?
एसबीआय ग्राहकांच्या सीआयसी स्कोअर (CREDIT SCORE) च्या आधारे व्याज दर देत आहे. ताज्या अपडेटनुसार, ज्या ग्राहकांचा क्रेडिट स्कोअर 800 किंवा त्यापेक्षा जास्त आहे ते 3-5 वर्षांसाठी 8.65% आणि 5 वर्षांपेक्षा जास्त कालावधीसाठी 8.75% आहेत. 775 ते 799 दरम्यान क्रेडिट स्कोअर असलेल्यांसाठी 3 ते 5 वर्षांसाठी 8.80% आणि 5 वर्षांवरील लोकांसाठी 8.90% व्याज दर आहे. क्रेडिट हिस्ट्री नसलेल्या ग्राहकांना बँक 8.90% ते 9.25% व्याज दराने कर्ज देत आहे.
Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
