SBI FD Interest Rates | भारतीय स्टेट बँकेने अमृत कलश स्पेशल फिक्स्ड डिपॉझिट योजनेची वैधता वाढवली आहे. एसबीआयच्या या विशेष मुदत ठेव योजनेत किरकोळ ग्राहक आणि ज्येष्ठ नागरिकांना जास्त व्याज दर मिळतो. आता एसबीआयच्या अमृत कलश योजनेत 30 सप्टेंबर 2024 पर्यंत डिपॉझिट करता येणार आहे.
एसबीआयच्या वेबसाइटनुसार, या योजनेतील गुंतवणुकीचा कालावधी कमीत कमी 400 दिवसांचा आहे, ज्यामध्ये 7.10 टक्के व्याज दराचा फायदा मिळतो. हा व्याजदर 12 एप्रिल 2023 पासून लागू होणार आहे. तर, ज्येष्ठ नागरिकांना ठेवींवर 7.60 टक्के व्याजदराने परतावा मिळतो. चला तर मग जाणून घेऊया या योजनेशी संबंधित काही खास गोष्टी..
एसबीआय एफडीवर व्याज दर किती आहे?
सध्या एसबीआय 2 कोटी रुपयांपेक्षा कमी मुदत ठेवींवर (एफडी) सामान्य ग्राहकांना 3.5% ते 7% (अमृत कलश योजना वगळून) दराने परतावा देत आहे. ज्येष्ठ नागरिकांसाठी एफडीवरील व्याजदर 4% ते 7.50% पर्यंत आहे.
मुदतपूर्व पैसे काढल्यास दंड
या पॉलिसीमध्ये जमा केलेले पैसे 400 दिवसांच्या आधी काढल्यास व्याजदरात 0.50% वरून 1% पर्यंत कपात केली जाऊ शकते. त्याचबरोबर या योजनेत ठेवीदाराला मासिक, तीन महिने, सहा महिने, वार्षिक आणि पॉलिसीची मुदत पूर्ण होईपर्यंत व्याज खात्यात जमा करण्याची सुविधा दिली जात आहे. पॉलिसीची मुदत पूर्ण झाल्यानंतर व्याज टीडीएस कापून ग्राहकाच्या खात्यात जमा केले जाते.
Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
