Small Saving Scheme | गाव-खेड्यापासून ते शहरांमधील गुंतवणूकदारांमध्ये या 5 गुंतवणूक योजना आहेत प्रसिद्ध, उत्तम व्याज, सर्वोत्तम परतावा

Small Saving Scheme | आजच्या काळात गुंतवणूकदाराला आपल्या गुंतवणुकीवर जास्तीत जास्त परतावा हवा असतोच पण सुरक्षितताही हवी असते. गुंतवणुकीच्या दृष्टीने चांगला पर्याय असलेल्या अनेक योजना आहेत. येथे आपण अशा पाच योजनांवर चर्चा करणार आहोत, ज्या चांगल्या परताव्याही देतात आणि काही योजनांना आयकर कायद्याच्या कलम ८० सी अंतर्गत करसवलतही मिळते.

पब्लिक प्रॉव्हिडंट फंड :
पीपीएफमधील गुंतवणुकीवर आपल्याला कोणताही आयकर भरावा लागत नाही. आयकर कायदा च्या कलम 80C अंतर्गत, 1.5 लाख रुपयांपर्यंतच्या गुंतवणुकीवरील व्याज परतावा करमुक्त असतो. सध्या या योजनेत गुंतवणुकीवर 7.1 टक्के व्याज परतावा मिळतो. सध्या पीपीएफवर मुदत ठेवींवर मिळणाऱ्या व्याज परतावाच्या तुलनेत जास्त व्याज मिळत आहे.

राष्ट्रीय बचत प्रमाणपत्र :
नॅशनल सेव्हिंग सर्टिफिकेट स्कीम दरवर्षी आपल्या गुंतवणूकदारांना 6.8 टक्के व्याज परतावा देते. या योजनेत चक्रवाढ व्याज पद्धतीने व्याज परतावा दिला जातो. ही योजना हमखास परताव्याची हमी देते. या योजनेत आयकर कायदा कलम 80C अंतर्गत आयकरात सूट देण्यात आली आहे. राष्ट्रीय बचत प्रमाणपत्राचा मुदतपूर्ती कालावधी 5 वर्षे आहे. NSC मध्ये किमान गुंतवणूक मर्यादा 100 रुपये असून कमाल गुंतवणुकीच्या रकमेवर कोणतीही मर्यादा नाही.

ज्येष्ठ नागरिक बचत योजना :
या योजनेत 60 वर्ष वयोमर्यादा ओलांडलेल्या लोकांना गुंतवणुकीची संधी दिली जाते. ज्या लोकांना कोणतेही मासिक पेन्शन मिळत नाही, किंवा इतर कोणत्याही माध्यमातून उत्पन्नाचे कोणतेही साधन नाही, ते लोक SCSS खात्यात एकरकमी 15 लाख रुपयांपर्यंतची गुंतवणूक करून प्रत्येक तिमाहीत गुंतवणुकीवर व्याज मिळवू शकतात. या योजनेत गुंतवणूक करणारे लोक त्यांच्या लिंक केलेल्या बँक खात्यातून आपली व्याज परताव्याची रक्कम काढू शकतात. या योजनेत गुंतवलेली मूळ रक्कम मुदतपूर्तीनंतर व्याजासकट ठेविदराला परत केली जाते. त्याच योजनेत नव्याने गुंतवणूक करणे आणि नवीन खाते उघडण्याची ही सुविधा उपलब्ध आहे.

सुकन्या समृद्धी योजना :
मुलींच्या आर्थिक सुरक्षेसाठी सरकार द्वारे राबवल्या जाणाऱ्या या योजनेत पीपीएफ सारख्या करमुक्त-सवलतीचा लाभ दिला जातो. जर आपण व्याज परताव्याबद्दल बोललो तर या योजनेत गुंतवणूक करणाऱ्यांना 7.6 टक्के वार्षिक व्याज परतावा मिळतो, जो की बँक एफडी मधील गुंतवणुकीपेक्षा खूप चांगले आहे.

किसान विकास पत्र :
या सरकारी योजनेत गुंतवणूक केल्यावर गुंतवणूकदारांना 6.9 टक्के वार्षिक व्याज परतावा दिला जातो. या गुंतवणूक योजनेचा परिपक्वता कालावधी फक्त 124 महिने आहे. या योजनेतील किमान गुंतवणूक रक्कम मर्यादा 1,000 रुपये आहे. या योजनेतील कमाल गुंतवणुकीच्या रकमेवर कोणतीही मर्यादा नाही. या योजनेत गुंतवणूक केल्यास आयकर कायद्यानुसार कर सवलत दिली जाते.

महत्वाचं : तुम्हाला हा लेख/बातमी आवडली असेल तर नक्की शेअर करा आणि महाराष्ट्रनामाला फॉलो करा. तसेच शेअर बाजारातील गुंतवणुकीसंदर्भात तज्ज्ञांनी दिलेल्या सल्ल्याशी आमचा काहीही संबंध नाही. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. शेअर खरेदी/विक्री हा बाजार तज्ज्ञांचा सल्ला आहे. म्युच्युअल फंड आणि शेअर बाजारातील गुंतवणूक ही जोखमींवर आधारित असते. त्यामुळे कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.

News Title| Small saving scheme for long term investment and benefits on 14 September 2022.