SRF Share Price | शेअर बाजारात स्टॉक बाबत अंदाज लावणे थोडे कठीण आहे. मात्र असे काही स्टॉक आहेत, जे अल्पावधीतच लोकांना करोडपती बनवू शकतात. असाच एक स्टॉक आहे, ‘एसआरएफ लिमिटेड’. या कंपनीच्या शेअरने नुकताच 2500 रुपये किंमत पार केली आहे. एकेकाळी 2 रुपये किमतीवर ट्रेड करणारा स्टॉक आता 2500 रुपयांच्या पार गेला आहे.
SRF शेअरचा मल्टिबॅगर परतावा
ज्या गुंतवणूकदारांनी एसआरएफ लिमिटेड कंपनीचे शेअर्स 2 रुपये किमतीवर खरेदी केले होते, ते लोक आता करोडपती झाले असतील, हे नक्की. केमिकल क्षेत्रात व्यवसाय करणाऱ्या या कंपनीच्या स्टॉकने आपल्या गुंतवणूकदारांचे पैसे अनेक पट वाढवले आहे. आज मंगळवार दिनांक 6 जून 2023 रोजी या कंपनीचे शेअर्स 0.40 टक्के घसरणीसह 2,522.00 रुपये किमतीवर ट्रेड करत आहेत.
SRF शेअरची कामगिरी
1999 मध्ये एसआरएफ लिमिटेड कंपनीचे शेअर्स 2 रुपये किमतीवर ट्रेड करत होते. ज्या गुंतवणूकदाराने या स्टॉकमध्ये एक लाख रुपये लावले होते, त्यांना 24 वर्षांपूर्वी 50 हजार शेअर्स मिळाले असतील. मात्र आता हा शेअर 2500 रुपयेच्या पार गेला आहे. म्हणजेच गुंतवणूकदारांना एक लाखावर 12 कोटी पेक्षा परतावा मिळाला आहे. असे खूप कमी शेअर्स असतात हे आपल्या गुंतवणुकदारांना दीर्घ कालावधीत करोडोचा परतावा कमावून देतात.
शेअरची 52 आठवड्यांची उच्चांक पातळी
एसआरएफ लिमिटेड कंपनीच्या शेअरची 52 आठवड्यांची उच्चांक पातळी किंमत 2,864.35 रुपये होती. तर 52 आठवड्यांची नीचांक पातळी किंमत 2,002.50 रुपये होती. 14 सप्टेंबर 2022 रोजी या कंपनीचे शेअर्स उच्चांक किमतीवर ट्रेड करत होते. एसआरएफ लिमिटेड कंपनीचे बाजार भांडवल 75,500 कोटी रुपये आहे. आता शेअर बाजारातील तज्ज्ञ देखील या शेअरमध्ये गुंतवणूक करण्याची शिफारस करत आहेत. मागील पाच वर्षात या कंपनीच्या शेअरने आपल्या गुंतवणुकदारांना 566.31 टक्के परतावा कमावून दिला आहे.
Disclaimer | म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
