Vodafone Idea Share Price | व्होडाफोन आयडिया कंपनीच्या शेअर्समध्ये आज जबरदस्त नफा वसुली पाहायला मिळत आहे. नुकताच या कंपनीने नोकिया, एरिक्सन आणि सॅमसंग या कंपन्यासोबत (NSE: VodafoneIdea) तीन वर्षांत नेटवर्क उपकरणांच्या पुरवठ्यासाठी 3.6 अब्ज डॉलर्सचा करार केला असल्याची माहिती दिली आहे. ही बातमी प्रसिद्ध झाल्यावर सोमवारी व्होडाफोन आयडिया स्टॉक 8.96 टक्क्यांच्या वाढीसह 11.42 रुपये किमतीवर पोहचला होता. (व्होडाफोन आयडिया कंपनी अंश)
व्होडाफोन आयडिया कंपनीने करार केला
आज गुरुवार दिनांक 26 सप्टेंबर 2024 रोजी व्होडाफोन आयडिया स्टॉक 0.58 टक्के घसरणीसह 10.30 रुपये किमतीवर ट्रेड करत आहे. नोकिया, एरिक्सन आणि सॅमसंगसोबत व्होडाफोन आयडिया कंपनीने तीन वर्षांच्या भांडवली खर्च योजनेचा भाग म्हणून करार केला आहे. या भांडवली खर्च योजनेचे एकूण मुल्य 6.6 अब्ज डॉलर्स आहेत. व्होडाफोन आयडिया कंपनीचे उद्दिष्ट 4G कव्हरेज 1.03 अब्ज लोकांवरून वाढवून 1.2 अब्ज लोकांपर्यंत पोहोचवणे, महत्त्वाच्या बाजारपेठांमध्ये 5G सेवा लाँच करणे, आणि वाढती डेटा मागणी पूर्ण करण्याची क्षमता साध्य करणे, हे आहे.
व्होडाफोन आयडिया कंपनीने इक्विटी शेअर्सद्वारे 240 अब्ज रुपये भांडवल उभारणी केल्यानंतर आणि जून 2024 च्या लिलावात 35 अब्ज रुपये मूल्याचे स्पेक्ट्रम संपादन केल्यानंतर कंपनीने ‘क्विक विन’ कॅपेक्स उपक्रम लाँच केला आहे. या उपक्रमांतर्गत विद्यमान साइट्समध्ये अधिक स्पेक्ट्रम जोडून नेटवर्क क्षमतेत 15 टक्के वाढ करण्याचे लक्ष निर्धारित करण्यात आले आहे.
कंपनीने स्टॉक एक्सचेंज फाइलिंगमध्ये माहिती दिली
व्होडाफोन आयडिया कंपनीने आपल्या स्टॉक एक्सचेंज फाइलिंगमध्ये माहिती दिली आहे की, दीर्घकालीन कॅपेक्ससाठी कंपनी 250 अब्ज रुपये भांडवल सुविधा आणि 100 अब्ज रुपये नॉन-फंड-आधारित सुविधा सुरक्षित करण्यासाठी विद्यमान गुंतवणूकदारांसोबत चर्चा करत आहोत. मागील आठवड्यात भारताच्या सर्वोच्च न्यायालयाने व्होडाफोन आयडिया कंपनीचे एजीआर थकबाकी पुनर्गणनेशी संबंधित अपील फेटाळल्यानंतर व्होडाफोन आयडिया स्टॉक घसरला होता.
महत्वाचं : म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
