Yes Bank Share Price | येस बँकेच्या शेअरमध्ये जबरदस्त उलाढाल पाहायला मिळत आहे. नुकताच येस बँकेने स्टॉक एक्सचेंज फाइलिंगमध्ये अपडेट दिली आहे की, बँकेचे संचालक मंडळ 25 जून रोजी आयोजित करण्यात आलेल्या बैठकीत भांडवल उभारणी करण्याच्या प्रस्तावावर विचार करणार आहे. ( येस बँक अंश )
फाइलिंगमध्ये येस बँकेने म्हटले आहे की, भारतीय बाजारातून तसेच परकीय गुंतवणूकदारांकडून निधी उभरण्यावर विचार करण्यासाठी संचालक मंडळाची बैठक 25 जून, 2024 रोजी आयोजित करण्यात आलेली आहे. शुक्रवार दिनांक 21 जून 2024 रोजी येस बँक स्टॉक 0.38 टक्के घसरणीसह 23.87 रुपये किमतीवर क्लोज झाला होता.
येस बँक गुंतवणुकदारांना सिक्युरिटीज, नॉन-कन्व्हर्टेबल डिबेंचर, बॉण्ड्स, मध्यम मुदतीच्या नोट्स जारी करून भांडवल उभारणी करणार आहे. मार्च 2024 तिमाहीत येस बँकेने जबरदस्त कामगिरी केली होती. जानेवारी-मार्च 2024 या तिमाहीत येस बँकेने 451 कोटी रुपये निव्वळ नफा कमावला होता. मागील वर्षी याच तिमाहीत येस बँकेचा निव्वळ नफा 202 कोटी रुपये होता. वार्षिक आधारावर येस बँकेच्या निव्वळ नफ्यात 123 टक्क्यांची वाढ झाली आहे.
येस बँकेचा GNPA 1.7 टक्के होता, जो मागील वर्षीच्या याच तिमाहीत 2.2 टक्के होता. गुरुवारच्या ट्रेडिंग सेशनमध्ये येस बँकेचे शेअर्स 0.50 टक्क्यांच्या वाढीसह 23.93 रुपये किमतीवर क्लोज झाले होते. येस बँकेच्या शेअर्सची 52 आठवड्यांची उच्चांक किंमत पातळी 32.85 रुपये होती. मागील एका वर्षभरात येस बँकेच्या शेअर्सने आपल्या गुंतवणुकदारांना 47.26 टक्के परतावा कमावून दिला आहे.
महत्वाचं : म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
