Gold Price Today | आंतरराष्ट्रीय बाजारात आज, गुरुवारी 1 डिसेंबर रोजी सोन्या-चांदीच्या दरात लक्षणीय वाढ झाली आहे. त्याचबरोबर भारतीय वायदे बाजारात सोने-चांदीच्या किंमतीत संमिश्र कल दिसून येत आहे. मल्टी कमॉडिटी एक्सचेंजवर (एमसीएक्स) आज सोन्याची किंमत सुरुवातीच्या व्यापारात ०.०३ टक्क्यांनी घसरली आहे. त्याचबरोबर वायदे बाजारात चांदीच्या दरात आज 1.85 टक्क्यांनी वाढ झाली आहे.
24 कॅरेट सोन्याचा भाव
गुरुवारी वायदे बाजारात 24 कॅरेट सोन्याचा भाव 52,462 रुपये प्रति 10 ग्रॅमवर होता, जो कालच्या बंद किंमतीच्या तुलनेत सकाळी 9:10 वाजेपर्यंत 18 रुपयांनी कमी झाला होता. चांदीमध्ये आज मल्टी कमॉडिटी एक्सचेंजमध्ये वाढ होताना दिसत आहे. चांदीचे दर कालच्या बंद किंमतीपेक्षा 1,150 रुपयांनी वधारुन 63,390 रुपयांवर ट्रेड करत होते.
नोव्हेंबरमध्ये ५% वाढ
गेल्या महिन्यात नोव्हेंबरमध्ये भारतात सोन्याचे दर सुमारे 5% किंवा 2,500 रुपये प्रति 10 ग्रॅमने वाढले होते. पण, तरीही सोने आपल्या विक्रमी पातळीवरून 3000 रुपयांनी स्वस्त मिळत आहे. ऑगस्ट 2020 मध्ये सोन्याचे दर 56,200 रुपयांच्या आतापर्यंतच्या उच्चांकी पातळीवर पोहोचले होते.
आंतरराष्ट्रीय बाजारात सोन्या-चांदीचे दर भडकले
आंतरराष्ट्रीय बाजारात आज सोन्या-चांदीचे दर भडकले आहेत. स्पॉट गोल्ड १.५१ टक्क्यांनी वधारून १,७७५.२५ डॉलर प्रति औंस झाला. त्याचबरोबर आंतरराष्ट्रीय बाजारात चांदीही आज 5.14 टक्क्यांनी वाढून 22.31 डॉलर प्रति औंस झाली आहे.
महत्वाचं : तुम्हाला हा लेख/बातमी आवडली असेल तर नक्की शेअर करा आणि महाराष्ट्रनामाला फॉलो करा. तसेच शेअर बाजारातील गुंतवणुकीसंदर्भात तज्ज्ञांनी दिलेल्या सल्ल्याशी आमचा काहीही संबंध नाही. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. शेअर खरेदी/विक्री हा बाजार तज्ज्ञांचा सल्ला आहे. म्युच्युअल फंड आणि शेअर बाजारातील गुंतवणूक ही जोखमींवर आधारित असते. त्यामुळे कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
