Gold Price Today | सोन्या-चांदीच्या दरात वाढ, दरवाढ नेमकी किती? आजचा नवे दर तपासा

Gold Price Today | वायदे बाजारात आज (बुधवारी) ३० नोव्हेंबर रोजी सोन्या-चांदीच्या दरात वाढ झाली आहे. अशातच आंतरराष्ट्रीय बाजारात दोन दिवस घसरणीनंतर आज सोने-चांदीचे भाव सावरले आहेत. मल्टी कमॉडिटी एक्सचेंजवर (एमसीएक्स) आज सोन्याचा भाव सुरुवातीच्या व्यापारात ०.१२ टक्क्यांनी वधारला आहे. त्याचबरोबर आज चांदीचा भावही वायदे बाजारात 0.05 टक्क्यांनी वधारला आहे.

बुधवारी वायदे बाजारात 24 कॅरेट सोन्याचा भाव 52,373 रुपये प्रति 10 ग्रॅमवर होता, जो कालच्या बंद किंमतीच्या तुलनेत सकाळी 9:10 वाजेपर्यंत 65 रुपयांनी वधारला होता. चांदीमध्ये आज मल्टी कमॉडिटी एक्सचेंजमध्ये वाढ होताना दिसत आहे. आज चांदीचा भाव कालच्या बंद भावापेक्षा 33 रुपयांनी वाढून 61,184 रुपयांवर ट्रेड करत आहे.

गेल्या आठवड्यात सोने वाढले
गेल्या आठवड्यात भारतीय सराफा बाजारात सोन्याचे दर वाढले. सोन्याचे दर 254 रुपये प्रति 10 ग्रॅम आणि चांदीचे दर 1,387 रुपये प्रति किलोने वाढले होते. इंडिया बुलियन अँड ज्वेलर्स असोसिएशनच्या (आयबीजेए) वेबसाइटनुसार, गेल्या व्यावसायिक आठवड्याच्या सुरुवातीला (२१ ते २५ नोव्हेंबर) २४ कॅरेट सोन्याचा दर २१ नोव्हेंबर रोजी ५२,४०६ होता, जो शुक्रवारपर्यंत वाढून ५२,६६० रुपये प्रति १० ग्रॅम झाला. त्याचबरोबर 999 शुद्धतेच्या चांदीचा भाव 60,442 रुपयांवरून 61,829 रुपये प्रति किलो झाला.

आज आंतरराष्ट्रीय बाजारातील तेजी
आंतरराष्ट्रीय बाजारात दोन दिवसांनंतर सोन्या-चांदीच्या दरात वाढ झाली आहे. स्पॉट गोल्ड ०.७० टक्क्यांनी वाढून १,७५३.३८ डॉलर प्रति औंस झाला आहे. त्याचबरोबर आंतरराष्ट्रीय बाजारात चांदीचे भावही आज तेजीत आहेत. चांदी आज 1.76 टक्क्यांनी वाढून 21.29 डॉलर प्रति औंसवर आहे. गेल्या एका महिन्यात सोन्याच्या भावात 6.66 टक्क्यांची वाढ झाली आहे. त्याचबरोबर चांदीच्या दरात एका महिन्यात 9.17 टक्क्यांची वाढ झाली आहे.

महत्वाचं : तुम्हाला हा लेख/बातमी आवडली असेल तर नक्की शेअर करा आणि महाराष्ट्रनामाला फॉलो करा. तसेच शेअर बाजारातील गुंतवणुकीसंदर्भात तज्ज्ञांनी दिलेल्या सल्ल्याशी आमचा काहीही संबंध नाही. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. शेअर खरेदी/विक्री हा बाजार तज्ज्ञांचा सल्ला आहे. म्युच्युअल फंड आणि शेअर बाजारातील गुंतवणूक ही जोखमींवर आधारित असते. त्यामुळे कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.

News Title: Gold Price Today updates check details on 30 November 2022.