काय मुख्यमंत्री आहे, साखरेची MSP ठरवणाऱ्या GoM'चे प्रमुख अमित शहा आहेत हेच माहीत नाही

मुंबई, २७ जुलै: शिवसेना खासदार आणि दैनिक ‘सामना’चे कार्यकारी संपादक संजय राऊत यांनी मुख्यमंत्री उद्धव ठाकरे यांची मुलाखत घेतली. या मुलाखतीत उद्धव ठाकरे यांनी महाविकास आघाडीतील मतभेद, भाजपचं ऑपरेशन लोटस यासह अनेक मुद्द्यांवर सविस्तर भाष्य केलं होतं. तसंच सरकार जरी तीन पक्षांचं असलं तरीही स्टेअरिंग माझ्याच हातात आहे, असं म्हणत मित्रपक्षांना सूचक इशाराही दिला आहे.

सादर मुलाखतीतील गाडीच्या स्टेअरिंगवरून आजच उपमुख्यमंत्री अजित पवार यांनी अप्रत्यक्षरीत्या उत्तर दिल्याची चर्चा सर्वत्र रंगली आहे. दरम्यान मुलाखतीत उद्धव ठाकरे यांनी अनेक प्रश्नांची उत्तर दिली. मात्र त्यांनी दिलेल्या उत्तरांवरून विरोधकांनी टीका करण्यास सुरुवात केली आहे. त्यापैकी एक प्रश्न प्रश्न म्हणजे साखरेला भाव आणि शेतकऱ्यांच्या प्रश्नांवरून संजय राऊत यांनी प्रश्न विचारला. पण मुख्यमंत्री उद्धव ठाकरे यांनी त्याला ठोस उत्तर न देता आदेश बांदेकर आणि होम मिनिस्टर असा संदर्भ नसलेल्या मुद्यांवर विषय फिरवल्याचे पाहायला मिळाले.

नेमका याच मुद्याचा आधार घेत भाजपचे नेते निलेश राणे यांनी मुख्यमंत्री उद्धव ठाकरे आणि खासदार संजय राऊत यांची खिल्ली उडवली आहे. याबाबत ट्विट करताना माजी खासदार निलेश राणे यांनी म्हटलं आहे की, “साखरेची MSP ठरवणाऱ्या GoM (Group of Ministers) चे प्रमुख अमित शहा आहेत हे सुद्धा ह्या दोघांना माहीत नाही. काय मुख्यमंत्री आहे महाराष्ट्राचा आणि त्याच्या सोबत हा लुक्का सगळी वाट लावणार.”

साखरेची MSP ठरवणाऱ्या GoM (Group of Ministers) चे प्रमुख अमित शहा आहेत हे सुद्धा ह्या दोघांना माहीत नाही. काय मुख्यमंत्री आहे महाराष्ट्राचा आणि त्याच्या सोबत हा लुक्का सगळी वाट लावणार. pic.twitter.com/2BnztfMe3i

— Nilesh N Rane (@meNeeleshNRane) July 26, 2020

News English Summary: Sanjay Raut asked questions on sugar prices and farmers’ issues. However, Chief Minister Uddhav Thackeray did not give him a definite answer and turned his attention to issues which did not refer to Aadesh Bandekar and Home Minister.

News English Title: BJP Leader Nilesh Rane criticized CM Uddhav Thackeray and MP Sanjay Raut over question asked during interview News Latest Updates.