माफिया म्हटलं त्यांच्या संरक्षणात कंगनाची ट्विटवर टिवटिव | कोरोना ते कंगणा फक्त कर्तव्य

मुंबई, १३ सप्टेंबर : सुशांतसिंह आत्महत्याप्रकरणी बॉलिवूडच्या घराणेशाहीवर कंगनानं प्रश्न उपस्थित केले होते. तसंच, बी-टाऊनमधील अनेक बड्या कलाकारांवरही कंगनानं आरोप केले होते. आता तर तिनं थेट मुंबई पोलिसांवर टीका करत नवीन वादाला तोंड फोडलं होतं. भाजप नेते राम कदम यांच्या ट्विटला उत्तर देताना कंगनानं मला मुंबई पोलिसांची जास्त भीती वाटतेय, असं म्हटलं होतं. ‘मला आता मुव्ही माफिया गुंडांपेक्षा मुंबई पोलिसांची जास्त भीती वाटते. मला एकतर हिमाचल प्रदेश सरकार किंवा थेट केंद्राकडून सुरक्षा द्या, पण मुंबई पोलिसांकडून नको,’ असं ट्विट तिनं केलं होतं.

त्यानंतर ९ तारखेला मुंबई विमानतळावरुन कंगना रणौत थेट आपल्या घरी पोहोचली होती. पोलिसांच्या सुरक्षेत कंगना आपल्या घरी पोहोचली. तिच्या घराबाहेर मुंबई पोलिसांचा चोख बंदोबस्त लावण्यात आला आहे. याशिवाय कंगनाला वाय प्लस दर्जाची सुरक्षा देण्यात आली आहे. दरम्यान, ज्या मुंबई पोलिसांना तिने माफिया म्हटलं होतं त्यांच्या सुरक्षा व्यवस्थेतच कंगणा २४ तास ट्विटरवर टिवटिव करत आहे.

कोरोनाच्या आपत्तीत कर्तव्य बजावताना शेकडो मुंबई पोलिसांनी स्वतःचा जीव गमावला आहे तर हजारो पोलीस कर्मचाऱ्यांना कोरोनाची लागण झाली आहे. मात्र कोरोना असो की कंगना…पोलीस त्यांचं कर्तव्य निभावताना जराही उसंत घेताना दिसत नाहीत हे सत्य आहे.

News English Summary: Kangana Ranaut was reached her home under police protection. Mumbai police have cordoned off the area outside her house. Apart from this, Kangana Ranaut has been given Y Plus grade security. Meanwhile, Kangana Ranaut has been tweeting on Twitter 24 hours a day under the security arrangements of the Mumbai police which she had termed as mafia.

News English Title: Bollywood actress Kangana Ranaut safe under security of Mumbai Police Marathi News LIVE latest updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.