मुंबई: मुंबईतील खार रोड येथे एका इमारतीचा काही भाग कोसळला आहे. खार रोड क्रमांक १७ वर ही इमारत आहे. मिळालेल्या माहितीनुसार, इमारतीच्या पायऱ्यांचा भाग कोसळला आहे. सुदैवाने यामध्ये कोणीही जखमी झालेलं नाही. दरम्यान कोणतीही मोठी दुर्घटना होऊ नये यासाठी रहिवाशांना इमारतीतून बाहेर काढण्याचं काम सध्या सुरु आहे.

पाच मजली इमारत कोसळल्याची दुर्घटना आज दुपारी १.३० वाजण्याच्या सुमारास घडली आहे. पूजा अपार्टमेंट असे या इमारतीचे नाव असून या इमारतीच्या जिन्याचा काही भाग कोसळल्याची माहिती समोर आली असून या घटनेची माहिती मिळताच घटनास्थळी पोलिसांसह अग्निशमन दलाच्या चार गाड्या रवाना झाल्या आहेत. या ढिगाऱ्याखाली काही जण अडकल्याची भीती व्यक्त केली जात असून अग्निशमन दलाच्या जवानांकडून बचावकार्य सुरु आहे.

मुंबई खार रोडवर ५ माजली इमारतीचा भाग कोसळला; बचावकार्य सुरु