हडपसरची जागा मनसे खेचून आणणार असल्याने भाजप हडपसर सेनेला देणार?
पुणे : शिवसेना भाजप युतीच्या जागावाटपाचा तिढा अजून संपलेला नसतात काही जागांच्या अदलाबदलीची कारणं त्यासाठी पुढे करण्यात आली आहेत. पुण्यात भाजप सेनेला ठेंगा देण्यात तयारीत असून संपूर्ण पश्चिम महाराष्ट्रावर भाजपने लक्ष केंद्रित केलं आहे. मात्र शिवसेना पुण्यात अस्तित्व टिकवून ठेवण्यासाठी धडपडत असल्याने भाजप हाती न येणाऱ्या पुण्यातील जागा शिवसेनेला देण्याच्या तयारीत आहे. भाजप आणि शिवसेनेचे युतीचे ठरले असून मिळालेल्या माहितीनुसार पुणे जिल्ह्यातील काही जागांची अदलाबदल करण्यात येणार आहे. या बदलाचा फटका भारतीय जनता पक्षाचे विद्यमान आमदार योगेश टिळेकर यांना बसण्याची शक्यता आहे.
पुणे शहरात सर्वांच्या सर्व म्हणजे तब्बल ८ मतदारसंघांत सर्वांच्या सर्व भाजपचे आमदार आहेत. मात्र शिवसेनेला येथे जराही संधी नसल्याने एकूण जागांपैकी कमीत कमी २ तरी मतदारसंघ द्यावे असा प्रस्ताव देण्यात आला आहे. त्यानुसार भारतीय जनता पक्षाकडील हडपसर हा मतदारसंघ शिवसेनेला देण्यात येणार असल्याचे वृत्त आहे. मात्र त्या मोबदल्यात शिवसेनेकडे असलेला इंदापूर हा मतदारसंघ भाजपाला देऊन येथून माजी आमदार हर्षवर्धन पाटील यांना देण्याची योजना आहे.
विधानसभेच्या २००९ च्या जागावाटपात इंदापूर हा शिवसेनेकडे होता. मात्र २०१४ मध्ये भारतीय जनता पक्ष आणि शिवसेना स्वबळावर लढले. त्यामुळे इंदापूरवर शिवसेनेनेच दावा केला होता. परंतु, येथे काॅंग्रेसचे माजी मंत्री हर्षवर्धन पाटील यांनी भारतीय जनता पक्षात प्रवेश केल्याने त्यांच्यासाठी मतदारसंघ सोडवून घेणे आवश्यक होते. त्यानुसार येथे शिवसेनेचा उमेदवार उभा राहणार नाही. यासाठी देवेंद्र फडणवीस आणि हर्षवर्धन पाटील यांनी जोरदार प्रयत्न केल्याचे समजते.
विद्यमान आमदारांच्या जागा न सोडण्यावर भारतीय जनता पक्ष आजही ठाम आहे. परंतु नव्याने पक्षात आलेल्या दिग्गज आयात नेत्यांसाठी काही जागांवर तडजोड करण्यात आली आहे. पुण्यासारख्या शहरात अस्तित्व नसणे पक्षाला परवडणार नसल्याने शिवसेना किमान २ जागांवर तडजोड करण्यास तयार आहे. दरम्यान शिवसेनेकडून हडपसरमध्ये माजी आमदार महादेव बाबर, नगरसेवक नाना भानगिरे यांची नावे उमेदवारीसाठी चर्चेत आल्याचे वृत्त आहे. यावर शिवसेना नेते बोलत असले तरी विद्यमान आमदारांचे समर्थक मानण्यास तयार नाहीत मात्र ते सत्यात उतरल्यास भाजप आमदार टिळेकर यांचा पत्ता कट होणार आहे. आता इतर सात मतदारसंघांत भाजप चेहरे बदलणार का, याची उत्सुकता राहील. खडकवासला मतदारसंघासाठी शिवसेनेचे स्थानिक पदाधिकारी आग्रही होेते. तो मतदारसंघ सेनेला न मिळाल्यास काही नेते पक्षांतर करण्याची शक्यता नाकारता येत नाही.
दरम्यान, हडपसर येथे विद्यमान आमदार असताना देखील भाजप या जागेवर सहज पाणी सोडत नसून त्याला भाजपचे अंतर्गत सर्व्हे कारणीभूत असल्याचं वृत्त आहे. त्याच अंतर्गत सर्व्हेनुसार हडपसरच्या जागेवर मनसेचे नगरसेवक वसंत मोरे यांनी मागील २-३ वर्षांपासून मोठी मोर्चेबांधणी केली आहे. तसेच आमदार योगेश टिळेकर यांचे अनेक घोटाळे त्यांनी उघड केल्याने सध्या टिळेकरांसाठी ही जागा सोपी नाही. दरम्यान,मागील काही दिवसांपासून वसंत मोरे यांनी विरोधकांना जेरीस आणण्या व्यतिरिक्त मतदारसंघात विकास कामांचा देखील धडाका लावला आहे. मनसे नगरसेवक वसंत मोरे यांच्याकडे आक्रमक कार्यकर्त्यांची फौज आणि आर्थिक रसद असल्याने हा मतदासंघ मनसे भाजपकडून खेचून आणणार असल्याचं समोर आल्याने, भाजप हडपसरची जागा सेनेला देत इस्लामपूर घेण्याच्या तयारीत आहे.
संबंधित बातम्या
व्हिडिओ
- VIDEO | सोमैयांच्या भंपक आरोपांचा इतिहास | ५'वी दिवाळी आली तरी अजित पवार-तटकरे बाहेरच
- VIDEO | अमेरिकेत बायडन तर महाराष्ट्रात पवार यांची पावसातील सभा | पहा..
- VIDEO | जलयुक्त शिवार योजना | फडणवीसांची फिरवाफिरवी | राज ठाकरेंकडून वास्तव
- पेट्रोल डिझेलचे भाव गगनाला भिडले तरी मोदी गप्प?
- कोरोना रुग्णांच्या आरोग्य सेवांवरून राज्य सरकार गोधळलंय
- महाराष्ट्रनामा कोरोना डॅशबोर्ड
- महाराष्ट्र...कोरोना रुग्ण...बेड्स...राज्य सरकारचं वास्तव उघड
- सोनू सूद लॉकडाउन दरम्यानचा खरंच देव आहे? जाणून घ्या सत्य
- सरकारने पोलिसांवरील उपचारासाठी मरोळ PTS ताब्यात घ्यावं
राहुन गेलेल्या बातम्या
- Gold Rate Today | बापरे! लग्नासराईच्या दिवसातही सोनं खरेदी करणं परवडणार नाही, लवकरच 1 लाख रुपये तोळा होणार
- Numerology Horoscope | 17 एप्रिल 2024 | तुमची जन्म तारीख किती? अंकज्योतिष शास्त्र सांगेल तुमचा बुधवारचा दिवस कसा असेल
- Reliance Power Share Price | अवघ्या 4 वर्षात 2325 टक्के परतावा दिला, शेअर प्राईस 26 रुपये, पुढे तेजी येणार का?
- Reliance Infra Share Price | 2 दिवसात रिलायन्स इन्फ्रा शेअर 36 टक्के घसरला, पण स्टॉकला 'या' प्राईसवर सपोर्ट
- Varun Beverages Share Price | मार्ग श्रीमंतीचा! या शेअरने अल्पावधीत दिला 50% परतावा, स्टॉक पुढे किती फायद्याचा?
- Ambuja Cement Share Price | अदानी ग्रुपचा सिमेंट शेअर! कंपनीने नवीन अपडेट दिली, शेअर 35 टक्के वाढणार
- Lorenzini Apparels Share Price | 27 रुपयाच्या शेअरची कमाल, मल्टिबॅगर परताव्यसह स्टॉक स्प्लिट आणि बोनस शेअर्सचा लाभ
- Tinna Rubber Share Price | श्रीमंत करतोय हा शेअर! 3 वर्षात 1 लाख रुपयाच्या गुंवतवणुकीवर दिला 4.42 कोटी परतावा
- Numerology Horoscope | 18 एप्रिल 2024 | तुमची जन्म तारीख किती? अंकज्योतिष शास्त्र सांगेल तुमचा गुरुवारचा दिवस कसा असेल
- Numerology Horoscope | 16 एप्रिल 2024 | तुमची जन्म तारीख किती? अंकज्योतिष शास्त्र सांगेल तुमचा मंगळवारचा दिवस कसा असेल