27 June 2022 1:01 AM
अँप डाउनलोड
बातम्या फ्लॅश
रविवारी कोर्ट बंद असतं | संध्याकाळी 6.30 वाजता शिंदे गटाची केस सुप्रीम कोर्टात | 7.30 ठरलं उद्या सुनावणी | नेटिझन्सच्या दिलासा चर्चा Multibagger Stocks | छोटे शेअर्स वेगात | या 13 रुपयाच्या शेअरने 1 वर्षात तब्बल 1481 टक्के परतावा दिला Mutual Fund SIP | महीना 1000 रुपयांच्या एसआयपीने तुम्हाला 32 लाख रुपये मिळतील | अधिक जाणून घ्या Eknath Shinde | शिंदे गटाला 'दिलासा' मिळावा म्हणून थेट सुप्रीम कोर्टात जाण्याचा सल्ला देण्यात आला आहे? Horoscope Today | 27 जून 2022 | तुमच्या राशींनुसार तुमचा सोमवारचा दिवस कसा असेल Diabetes Symptoms | मधुमेह कुठल्याही वयात होऊ शकतो | ही प्राथमिक लक्षणे तुम्हाला आहेत का खात्री करा Multibagger Stocks | हा 39 रुपयांचा शेअर तुमच्यकडे आहे? | फक्त 21 दिवसात 164 टक्के परतावा दिला
x

अन्यथा सुशांतसिंह प्रकरणावरून राज्य सरकार बरखास्त होईल हे लक्षात ठेवा : आ. भातखळकर

Maharashtra government, CBI, Supreme Court, Sushant Singh Rajput, MLA Atul Bhatkhalkar

मुंबई, 8 ऑगस्ट : सुशांत प्रकरणावरून भाजपने महाविकास आघाडीला कात्रीत पकडण्याची योजना आखल्याचे पाहायला मिळत आहे. भाजपचा रोख महाविकास आघाडीवर त्यांचं मुख्य लक्ष हे शिवसेनेचे नेते आणि मंत्री आदित्य ठाकरे हेच असल्याचं म्हटलं जातं आहे. त्यामुळे समाज माध्यमांवर देखील मागील दिवसांपासून आदित्य ठाकरे यांना मोठ्या प्रमाणावर लक्ष करण्यात आलं आहे. तसेच सुशांत प्रकरणात केंद्राने सीबीआय चौकशीला मान्यता दिल्यानंतर त्याचे संकेत देखील मिळत आहेत. त्यामुळे राज्य सरकारने देखील सुप्रीम कोर्टात याच विषयावरून स्वतःची भूमिका आधीच मांडण्यास सुरुवात केली आहे.

समाज माध्यमांवर आदित्य ठाकरे यांच्या विरुद्ध तर अभियान सुरु असल्याचं पाहायला मिळत आहे. त्यातील काही अभियानं ही ट्विटरवर सलग काही दिवस ट्रेंडिंगवर होती हे देखील पाहायला मिळालं. मात्र मागील काही दिवसांपासून राज्यातील भाजप नेत्यांचं आदित्य ठाकरे हे एकमेव लक्ष असल्याचं पाहायला मिळत असून सुशांत प्रकरणच त्यांच्या केंद्रस्थानी आहे.

दरम्यान, अभिनेता सुशांतसिंह राजपूत याच्या आत्महत्येच्या पोलिस तपासात कोणालातरी वाचविण्यासाठी संपूर्ण राज्य सरकार काम करीत असल्याची लोकांची भावना आहे. याप्रकरणी सर्वोच्च न्यायालयाचे आदेश पाळले नाहीत, तर राज्य सरकार बरखास्त होईल, एवढे लक्षात ठेवावे, असा इशारा भाजप आमदार अतुल भातखळकर यांनी दिला आहे.

सुशांतसिंहच्या आत्महत्याप्रकरणी रोजच आरोप- प्रत्यारोप, खुलासे प्रतिखुलासे होत असून आज महापौरांच्या विधानानंतर भाजपनेही पलटवार केला आहे. तसेच यासंदर्भात सर्वोच्च न्यायालयात सुनावणी सुरु असूनही सीबीआय वा बिहारच्या तपासी अधिकाऱ्यांना क्वारंटाईन करण्याची शिवसेना नेत्यांची धडपड सुरुच आहे, असा आरोपही भाजपने केला आहे. अशी दडपशाही चालवून घेणार नाही, असेही भाजप नेते सांगत आहेत. पण या वादावादीमुळे यात खरेच कोणालातरी वाचविण्याचा प्रयत्न सुरु आहे का, तसेच उलटपक्षी कोणाला उघडे पाडण्याचा भाजपचा प्रयत्न सुरु आहे का, एवढी लपवालपवी सुरु आहे म्हणजे कोठेतरी पाणी मुरते आहे का, अशीही चर्चा लोकांमध्ये असल्याचे मत भातखळकर यांनी व्यक्त केले.

 

News English Summary: People feel that the entire state government is working to save someone in the police investigation into the suicide of actor Sushant Singh Rajput. BJP MLA Atul Bhatkhalkar has warned that if the Supreme Court order is not complied with in this case, the state government will be sacked.

News English Title: Maharashtra government will be dismissed if Supreme Court orders not followed in Sushant Singh Rajput case said MLA Atul Bhatkhalkar News latest Updates.

हॅशटॅग्स

#SushantSinghRajput(113)

संबंधित बातम्या

राहुन गेलेल्या बातम्या

x