महाविकास आघाडीचा शपथविधी बेकायदेशीर: चंद्रकांत पाटील

मुंबई: उद्धव ठाकरे यांनी गुरूवारी मुख्यमंत्रिपदाची शपथ घेतली. त्यानंतर सहा आमदारांनीही मंत्रिपदाची शपथ घेतली. परंतु आता या शपथविधी सोहळ्यावरही प्रश्न उपस्थित करण्यात आले आहेत. महाविकास आघाडीचा शपथविधी हा बेकायदेशीर असल्याचा आरोप भाजपा नेते चंद्रकांत पाटील यांनी केला. तसंच याविरोधात राज्यपलांकडे एकाने याचिका दाखल केली असल्याची माहितीही त्यांनी यावेळी दिली.

Chandrakant Patil,BJP: They(#MahaVikasAghadi) changed Protem speaker from Kalidas Kolambkar to Dilip Walse Patil, this is legally wrong, the oath was also not taken as per rules, the new Govt is violating all rules.We are filing petition with Governor,and might also approach SC pic.twitter.com/b6ptuB4uEd

— ANI (@ANI) November 30, 2019

तसेच बाळासाहेबांना आम्ही हिंदुह्दयसम्राट म्हणतो, तुम्ही म्हणाल का? हंगामी अध्यक्ष नियमबाह्य बदलण्यात आला. कालिदास कोळंबकर यांच्याऐवजी दिलीप वळसे पाटील यांना हंगामी अध्यक्ष बनविण्यात आलं. प्रोटोकॉलनुसार शपथविधी झाला नाही. बहुमत सिद्ध करण्यासाठी आमदारांच्या डांबून ठेवून त्यांची मुस्कटदाबी करण्याचा प्रयत्न आहे. आमदारांना कुटुंबाशी संवाद साधता येत नाही. आमदारांना अद्याप कोंडून का ठेवलं? मारुन मुटकून सरकार चालविता येणार नाही, ते जास्त दिवस टिकणार नाही असा इशाराही चंद्रकांत पाटील यांनी शिवसेनेला दिला आहे.

Mumbai: Senior NCP leaders Jayant Patil,Ajit Pawar and Praful Patel in assembly ahead of confidence vote later today. #Maharashtra pic.twitter.com/5dgPvU0G23

— ANI (@ANI) November 30, 2019

मुख्यमंत्री उद्धव ठाकरे यांच्या नेतृत्वाखालील महाविकास आघाडी सरकारचा विश्वासदर्शक ठराव आज, शनिवारी विधानसभेत मांडला जाणार असून, बहुजन विकास आघाडीचे तीन, समाजवादी पार्टी, प्रहार जनशक्तीचे प्रत्येकी दोन आणि शेतकरी कामगार पक्ष, मार्क्सवादी कम्युनिस्ट पक्ष, स्वाभिमानी शेतकरी संघटना यांचे प्रत्येकी एक आमदार आणि सात अपक्ष आमदार सरकारच्या पाठिशी आहेत. यात आणखी वाढ होण्याची शक्यता असल्याची माहिती राष्ट्रवादी काँग्रेसच्या एका नेत्याने दिली.