मुंबई, ४ जून: निसर्ग चक्रीवदाळासोबतच काल अफवांचंही वादळ उठलं होतं. काल दिवसभरात अनेक अफवा पसरल्याने नागरिकांमध्ये घबराट निर्माण झाली होती. मात्र, पोलिसांच्या सतर्कतेमुळे अफवांचं वादळ शमवता आलं. त्याचप्रमाणे बीकेसी येथे बांधण्यात आलेल्या कोविड केअर्स सेंटर रुग्णालयाचे नुकसान झाल्याची माहिती सोशल मीडियातून पसरली होती. मात्र ही माहिती खोटी असल्याचा खुलासा मुंबई महापालिकेने ट्विटरद्वारे केला आहे.
वाढत्या करोना रुग्णांच्या पार्श्वभूमीवर मुंबई महानगर प्रदेश विकास प्राधिकरणामार्फत एक हजार बेडची सुविधा असलेलं जम्बो कोविड रुग्णालय वांद्रे-कुर्ला संकुलाच्या (बीकेसी) मैदानावर उभारण्यात आलं. या रुग्णालयात काही रुग्णही दाखल झाले होते. मात्र, बुधवारी मुंबईत निसर्ग चक्रीवादळ धडकणार असल्यानं तेथील रुग्णांना दुसरीकडं हलवण्यात आलं होतं. दरम्यान, बुधवारी निसर्ग चक्रीवादळानं कोकण किनारपट्टीसह इतर काही भागात प्रचंड विध्वंस केला. सुदैवानं मुंबईत हे वादळ आलं नाही. मात्र, या वादळामुळे बीकेसीतील रुग्णालयाचं प्रचंड नुकसान झाल्याची माहिती सोशल मीडियातून पसरली होती.
मात्र मुंबई महापालिकेने ट्विट करून खुलासा केला आहे, “निसर्ग चक्रीवादळामुळे बीकेसीत उभारण्यात आलेल्या जम्बो कोविड रुग्णालयाला मोठा फटका बसल्याचा दावा करत अफवा पसरवल्या जात आहे. त्या खोट्या आहेत. वादळामुळे रुग्णालयाच्या कुंपणाचं फक्त थोडं नुकसान झालं आहे. रुग्णालय व्यवस्थित असून, सायंकाळपासून पुन्हा सुरू करता येऊ शकते,” असं बीएमसीनं म्हटलं आहे.
Rumours claiming that the Jumbo facility set up at BKC has been badly affected by #CycloneNisarga is false. There has only been a minor damage to the fence – the hospital structure is sound and it can be put to operation this evening .#NaToCorona#BMCNisargaUpdates pic.twitter.com/Vyrlhxa2Ta
— माझी Mumbai, आपली BMC (@mybmc) June 4, 2020
News English Summary: News of the damage to the Covid Cares Center hospital at BKC was spread on social media. However, the Mumbai Municipal Corporation has revealed on Twitter that this information is false.
News English Title: Nature cyclone damage to the Covid Cares Center hospital at BKC was spread on social media BMC has revealed on Twitter News Latest Updates.
