20 September 2020 11:30 PM
अँप डाउनलोड

अविनाश जाधवला आंदोलनानंतर अटक व तडीपारी आणि विनायक राऊतचा मुलगा दारू पिऊन पोलिसांना

Nilesh Rane, Shivsena, MNS Avinash Jadhav

ठाणे, ३ ऑगस्ट : मनसेचे ठाणे जिल्हाध्यक्ष अविनाश जाधव यांना पोलिसांकडून २ वर्ष हद्दपार होण्याची नोटीस बजावली आहे. गेल्या अनेक दिवसांपासून अविनाश जाधव विविध प्रश्नांवर आंदोलन करुन सरकारवर टीकास्त्र सोडत आहे. ठाणे महापालिकेच्या कोविड रुग्णालयात नर्स म्हणून काम करणाऱ्या मुलींना काढल्याप्रकरणी मनसेकडून शुक्रवारी ठाणे महापालिकेसमोर आंदोलन सुरु होतं. हे आंदोलन करत असताना पोलिसांनी त्यांना ताब्यात घेतले होते. यानंतर न्यायालयाने अविनाश जाधव यांना ३ ऑगस्टपर्यत पोलीस कोठडी सुनावण्यात आली होती. त्यामुळे आज न्यायालय कोणता निर्णय देणार याकडे सर्वांचे लक्ष लागले होते. मात्र ठाण्यातील अधीनस्थ न्यायालयाने अविनाश जाधव यांचा जामीन फेटाळला आहे. त्यामुळे मनसेला एक प्रकारचा धक्काच असल्याचे सांगण्यात येत आहे.

BhagyaVivah Marathi Matrimonial

अधीनस्थ न्यायालयाच्या या आदेशानूसार आम्ही आता सत्र न्यायालयात अविनाश जाधव यांना जामीन मिळण्याबाबत अर्ज दाखल केला असून 6 ऑगस्टला याबाबत सुनावणी होणार असल्याचे नितीन सरदेसाई यांनी सांगितले. दरम्यान, या सर्व प्रकरणात आता भाजप नेते निलेश राणे यांनी उडी घेतली आहे. आपल्या ट्वीटर वरून एक ट्वीट केले आहेत त्यात त्यांनी शिवसेना आणि सरकारवर शरसंधान केले आहे. या सोबतच त्यांनी सरकारला इशारा देखील दिला आहे.

राणे म्हणाले, मनसे नेता अविनाश जाधवला आंदोलन करताना अटक करण्यात आली व दोन वर्षाची तडीपारी लावली, दुसऱ्या बाजूला शिवसेना खासदार विनायक राऊत चा मुलगा दारू पिऊन पोलिसांना धमकी देतो तरी त्याच्यावर साधी तक्रार नाही. एक गोष्ट राज्य सरकारने विसरू नये… संधी सगळ्यांना मिळते.

 

News English Summary: MNS Thane district president Avinash Jadhav has been issued a two-year deportation notice by the police. For the last several days, Avinash Jadhav has been agitating on various issues and castigating the government.

News English Title: Nilesh Rane criticize Shivsena over the issue of MNS Avinash Jadhav News Latest Updates.

 

महत्वाची सूचना: कोरोना आपत्तीत सतर्क राहणं कधीही चांगलं आणि त्यासाठीच आपत्कालीन परिस्थितीत सर्व माहिती देणारं अँप सोबत असणं देखील गरजेचं आहे. म्हणून आत्ताच डाउनलोड करा... महाराष्ट्रनामा कोरोना डॅशबोर्ड.

Download App Now
Download Corona Dashboard App

हॅशटॅग्स

#Nilesh Rane(53)

संबंधित बातम्या

राहुन गेलेल्या बातम्या

x