नातवाच्या बोलण्याला किती किंमत द्यायची हे आजोबांनी ठरवायचं आणि नातवाने...

मुंबई, १२ ऑगस्ट : पार्थ पवार यांनी गृहमंत्री अनिल देशमुख यांची भेट घेत सुशांतच्या मृत्यू प्रकरणी सीबीआय चौकशीची मागणी केली होती. परिणामी शरद पवार यांना यासंबंधी विचारण्यात आलं असता त्यांनी सांगितलं की, “नातवाच्या बोलण्याला कवडीचीही किंमत देत नाही. ते अपरिपक्व आहेत” अशी प्रतिक्रिया देऊन पार्थ पवारांना राजकीय प्रवासात संपूर्ण आयुष्यभर ऐकावं लागेल असं वक्तव्य केलं असल्याचं म्हटलं आहे.

या वादावर माजी मुख्यमंत्री आणि विरोधी पक्षनेते देवेंद्र फडणवीस यांनी प्रतिक्रिया दिली आहे. ‘आजोबा आणि नातवामधील हा वाद आहे, तो त्यांच्या घरचा प्रश्न आहे. नातवाच्या बोलण्याला किंमत द्यायची की नाही, हे आजोबांनी ठरवायचं किंवा आजोबांना आवडेल, असं वागायचं की नाही, हे नातवाने ठरवायचं आहे,’ असं फडणवीस म्हणाले आहेत. तसेच सुशांतसिंग राजपूत प्रकरणात शरद पवार यांनी सीबीआय चौकशी करायला हरकत नसल्याचं म्हटलं आहे, ही भूमिका त्यांनी स्पष्ट केली आहे, अशी प्रतिक्रियाही देवेंद्र फडणवीस यांनी दिली आहे.

अजित पवार यांचे पूत्र पार्थ पवार यांना शरद पवारांनी फटकारल्यानंतर अजित पवार शरद पवारांना भेटायला गेले आहेत. सुशांतसिंग राजपूतच्या मृत्यू प्रकरणाची सीबीआय चौकशी करण्याची मागणी पार्थ पवार यांनी केली होती. यानंतर शरद पवार यांनी पार्थ पवार यांच्यावर निशाणा साधला. नातवाच्या मागणीला कवडीची किंमत देत नाही, तो इमॅच्युअर आहे, असं शरद पवार म्हणाले. शरद पवार यांनी केलेल्या टीकेवर पार्थ पवार यांनीही प्रतिक्रिया दिली. शरद पवारांच्या वक्तव्यावर बोलण्यास पार्थ पवार यांनी नकार दिला आहे. मला यावर काहीही बोलायचं नाही, असं पार्थ पवार म्हणाले आहेत.

News English Summary: This is a dispute between grandparents and grandchildren, it is a question of their home. It is up to the grandchildren to decide whether to value their grandchildren’s speech or not, it is up to the grandchildren to decide whether they want to behave or not.

News English Title: Opposition leader Devendra Fadnavis reaction on Sharad Pawar Parth Pawar controversy News Latest updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.