निलंबित राज्यसभा सदस्यांच्या समर्थनार्थ शरद पवार देखील दिवसभर अन्नत्याग करणार

मुंबई, २२ सप्टेंबर : कृषी विषयक विधेयकांवरुन राज्यसभेत गोंधळ घातल्याने निलंबित झालेले आठ खासदार अन्नत्याग केला आहे. आज दिवसभर मीही अन्नत्याग करुन त्यांच्या अभियानात सहभागी होणार आहे, असं राष्ट्रवादी काँग्रेसचे अध्यक्ष शरद पवार यांनी जाहीर केलं. मुंबईतील यशवंतराव चव्हाण सेंटरमध्ये आयोजित पत्रकार परिषदेत ते बोलत होते. यावेळी शरद पवार यांनी राज्यसभेच्या उपसभापतींसह केंद्र सरकारच्या कृषी धोरणावरही प्रश्न उपस्थित केले.

शरद पवार म्हणाले की, राज्यसभेत‌ कृषी बिलं येणार होती, त्यावर चर्चा अपेक्षित होती. परंतु सरकारनं बिलं घाईनं पास केली. या विधेयकांबाबत सदस्यांना प्रश्न होते, चर्चा करण्याचा आग्रह होता. परंतु हा आग्रह बाजूला ठेवून सभागृहाचे काम पुढे रेटून नेण्याचं दिसत होतं, असं शरद पवार यांनी सांगितले.

उपसभापती हरिवंश नारायण सिंह यांच्याकडून मला अपेक्षा होत्या. मात्र, त्यांचे वागणे बघून मला धक्का बसला. उपसभापतींकडून विचारांना तिलांजली देण्याचे काम झाले, अशी टीका शरद पवार यांनी केली. तसेच आश्चर्याची गोष्ट म्हणजे ज्या उपसभापतींनी सभागृहात नियमांना महत्त्व दिले नाही, ते निलंबित सदस्यांना चहापान द्यायला गेले. मात्र, सदस्यांनी त्यांच्या चहापानाला हात लावला नाही, याचा आपल्याला अभिमान असल्याचे शरद पवार यांनी सांगितले. उपसभापती हरिवंश नारायण सिंह यांच्याविषयीचा आपला अंदाज सपशेल चुकल्याची कबुलीही शरद पवार यांनी दिली. तसेच निलंबित खासदारांच्या उपोषणाला पाठिंबा देण्यासाठी आपण आज दिवसभर अन्नत्याग करणार असल्याचेही शरद पवार यांनी जाहीर केले.

News English Summary: Eight MPs who were suspended due to confusion in the Rajya Sabha over agriculture bills have gone on hunger strike. NCP President Sharad Pawar announced that he would join the campaign by abstaining from food throughout the day. He was speaking at a press conference at the Yashwantrao Chavan Center in Mumbai.

News English Title: Sharad Pawar supports suspended Rajya Sabha MP to abstain from food today Marathi News LIVE latest updates.